Астанада ҚР Президенті әкімшілігінің және қалалық мәслихат депутаттарының келісімі бойынша меритократия қағидатына сәйкес Сарыарқа ауданының әкімі тағайындалды.
«Әкім қызметіне Астана қаласы әкімінің аппараты ММ басшысының экс-орынбасары Жанасыл Шәукентаев келді», — деп жазылған хабарламада.
Ол 2014 жылғы қарашадан бастап Астана қаласының әкімдігінде түрлі лауазымды атқарды: қаланың Жер қатынастары басқармасы, қала әкімінің аппараты, қаланың мемлекеттік сәулет-құрылыс бақылау басқармасы және т.б.
Кейінгі жылдары Астана қаласы әкімінің аппараты ММ мемлекеттік-құқықтық бөлімінің басшысы, Астана қаласы әкімінің аппараты ММ басшысының орынбасары лауазымдарын атқарды.
