Адам құқықтары жөніндегі уәкілдің Жамбыл облысы бойынша өкілі балалардың құқықтары мен заңды мүдделерін қорғау аясында «Балалар мен жасөспірімдерге арналған арнайы мектеп» КММ-де болды.
Іс-сапар барысында бірқатар заңбұзушылықтар анықталды, соның ішінде санитарлық-эпидемиологиялық ережелерді бұзу да бар.
Уәкіл өкілі Жамбыл облысы бойынша санитарлық-эпидемиологиялық бақылау департаментіне арнайы мектепте санитарлық-эпидемиологиялық ережелерді бұзу фактілері бойынша тексеру жүргізу туралы ұсыныспен хат жолдады.
Уәкілетті мемлекеттік органдармен бірлесіп қабылданған шаралар нәтижесінде білім беру мекемесінің басшысы мен аспаз әкімшілік жауапкершілікке тартылып, 2 әкімшілік айыппұл салынды. Қазіргі уақытта анықталған бұзушылықтар түзетілді.
Адам құқықтары жөніндегі уәкілдің баспасөз қызметі
