550 км артқа тастап Тараз — Аса- Ерназар — Тамды — Қаратау — Ақкөл — Жаңатас бағытында жол жүріп келдім. Жол жүруге басты себеп Қаратау қаласындағы дауыл, Жаңатас қаласында ақ түтек боран орын алып электр желілердің бағаналарын құлатып қаланы жылусыз, жарықсыз, сусыз қалдырды.
Қаратау қаласына дейін екі бағана құлап, жарықсыз отырған Жамбыл облысы, Жамбыл ауданы, Ерназар ауылын байқадық. Ауыл тұрғыны бізді көре салып құлаған бағаналармен қисайып тұрғандарын көрсетті. Сонымен қатар, жарық болмағандықтан ауылда таза ауыз суда келмей тұр екен. (қайтар жолда ауылдың жарығы қосылған еді)
Ерназар ауылынан кейін Тамды ауылына жол түсіп, құлаған бағаналар болмаса да, ауылда жарық жоқ.
Қаратауға кіргеннен құлап жатқан көше жарық бағаналары, шалқасынан түсіп жатқан газ құбыры, шашылып жатқан жұқа тұрғын үйдің шатырларын байқадым. Шатырларды жинап жатқан мекеме қызметшілері. Өзіме қызық болып көрінгені тұрғын үйдің подъездін жауып тұрған шатырды полиция қызметкерлері бірлесе тартып, оны жинап жатқандығы. Жергілікті тұрғындар көрінбеді. Қызмет етіп жүргендер иығында жұлдызы барлар. Қаратау қаласында бөлке табуға бір мұң болды. Оған бірінші себеп жарық болмаса, жарық берілсе де су берілмеді. Тұрғындар су бөтелкелермен тасуына тура келді.
Облыс әкімдігі жедел штаб құрылды деп кеше ақпарат таралған болатын. Штаб басшысы болып облыс әкімінің орынбасары Ерболат Ибрайханов тағайындалған болатын. Шенеунікті іздеп аудан әкімдігінің ғимаратына іздеп барып едік, артынша келе қалды. Сұрақтарыма жауап беруге қашпай жауап берді.
Ерболат Ыбырайхановтың айтуынша бір әлеуметтік нысан, сегіз көпқабатты үйдің шатыры кетті. Әкімдікке қарасты қала әкімдік пен “Игілік” мекемесінің шатырлары ұшты. Қазіргі таңда Аққұм, Ақкөл секілді ауылдарда жарық берілді. Таулы аймақтарға жарық беру мәселесі қиын болып тұр. Желдің екпіні әлі басылмай тұр. Сол үшін де ауылдарға толық жарық берілді деп айта алмаймыз. Кешке дейін суды береміз деген уәде еткен еді.
Қаратау қаласын аралап қарап жүргенімізде “Әйгерім” балабақшасының шатырын қызметкерлері қайта жинап жатқандықтарын көрген болатынбыз. Ол туралы Жамбыл облысы әкімінің орынбасары Ерболат Ибрайханов хабарсыздығын байқадық.
Қаратау қаласында нан іздеп жүргенімізде кәсіпкер кезекті. Оның бассейн мен жаздық алаңшасы бар екен. Есімі Альмирас Туляев (“Керемет” бассейн) айтуынша заборлары құлап, жаздық тапшандарын лақтырып жарамсыз болып, электр тоқтары үзіліп қалды. Келтірілген шығын соммасы 1,5 млн теңге. Әкімдіктен келіп ешқандай сұрауы да жоқ екенбіз деді.
https://youtube.com/shorts/jVqAVVVgtas?feature=share
Қаратау қаласынан шығып Ақкөл мен Саудакент арқылы Жаңатас қаласына жеттік. Бірінші кезекте аудандық орталық ауруханаға барып онда Тараз қаласынан келген жедел жәрдем көліктері туған және туу қажет әйелдерді алып кетіп жатты. Емдеуге болатындарды аудандағы автономды жылитын дәрігерлік амбулаторияға апарып жатты. Барлығы эвакуацияланған 28 науқас, оның ішінде 3 бала.
Аудан әкімдігіне барып, әкімінің орынбасары Сакен Мамытовты жолығып қалдық. Генераторлар бәрі бар істеп тұр. Желдің әсерінен бағандар құлаған, резервті линияда құлаған.Қазір қалыпқа келтірілді. Линиялар Қазандыққа келді, қазіргі таңда ішкі мазуттық системаларын жөндеп жатырмыз. Бұйырса 5-6 сағатта қосылып қалады. Екі-үш сағатта жарық беріледі деген, енді су қосылу үшін 6-7 сағат уақыт керек. Шахан подстанциясына тоқ келді, қазір су-жылыту мекемесіне келіп тұр жарық.
Айта кетерлігі, 4 қаңтар күні кешкісін тұрғын үйлерге жарық беріле бастады. Түнде жылу бере бастадық деп аудан әкімдігі хабар таратты.
Ең қызығы, мемлекеттік органдармен тек соларға қарасты мекемелер туралы айтылуда. Ал, жеке кәсіпкерлердің шығындары, төбесіне тал құлап жарамсыз болған автокөліктер туралы ешқандай ақпарат жоқ.
TURANINFO.KZ