Биыл шілдеде Алматыда қыз 14-қабаттан құлады. Полиция бұл деректі растады, бірақ оқиға қай ғимаратта болғанын нақтыламады. Сонымен қатар, қайтыс болған адамның жеке басын ашып айтпады.
Кейбір мәліметтер бойынша қыз әл-Фараби атындағы Қазақ ұлттық университетінің бірінші курсында оқыған. Ол оқу орнының ғимаратынан секіріп кеткен деген де болжам бар.
«ҚазҰУ-да болған қайғылы оқиғаны тергеу органдары әлі де тергеп жатыр. Сот шешімдері немесе қорытындылар шығарылғанға дейін бұл отбасылық, ішкі қайғылы жағдай болды деп айта аламын», — деді Саясат Нұрбек Үкіметте өткен брифингте.
Министр «Суицидке дейін жеткізу» бабы бойынша іс қозғау мәселесі құқық қорғау органдарының құзырында екенін мәлімдеді.
«Бұл — университетпен де, оқу үдерісімен де байланысты емес, ішкі отбасылық трагедия. Жақында ақпарат ресми түрде ұсынылады», — деп сендірді министр.
