Жамбыл облысында 239 мыңнан (21,2%) астам (239 151) жас (қалада — 89 577 (37,5%), ауылдық елді мекенде — 149 574 (62,5%) бар. Ағымдағы жылы облыста жастар саясатын жүзеге асыруға тиісті мүдделі органдармен 892 млн.теңге (2018 жылы — 574,6 млн. тг) қаржы қаралды. Жастар арасында жұмыссыз ретінде тіркелгендердің деңгейі 2019 жылдың 9 айында 2,7% (2018 жылы- 2,1%) құрады. NEET (жұмыссыз, оқымайтын) санатындағы жастардың үлесі 2019 жылдың 9 айында 7,8 пайызды (2018 жылы — 8,1) құрады.
Есепті жылы 11 мың (10 943) жас жұмыспен қамтудың белсенді шараларына тарту жоспарланса, есепті кезеңге 16 985 жас жұмыспен қамтудың белсенді шараларына тартылды. Олардың 8111-і ваканттық бос жұмыс орындарына орналасса, 1349-ы қысқа мерзімді кәсіби оқытуға, 770 жас кәсіби оқытуға, 2445 түлек жастар тәжірибесіне, 315-і әлеуметтік жұмыс орындарына, 1148-і ақылы қоғамдық жұмыстарға жолданды, 1140 жас «Бизнес-Бастау» жобасымен кәсіптік негіздеріне оқытылып, 416 жас шағын несие және 1291 жас қайтарымсыз грант алды. «Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасы аясында жаңа бизнес-идеяларды дамытуға
республикалық бюджеттен 200 АЕК мөлшерінде 1291 жас 652 млн теңгенің грантын алды. «Еңбек» мемлекеттік бағдарламасының ІІ бағыты шеңберінде ү.ж. 1 желтоқсанына облыс бойынша 416 жас 1955,2 млн теңге шағын несие алды. Одан бөлек, жаңа бизнес-идеяларды іске асыру үшін 3 млн теңгеге дейінгі мемлекеттік грант беруге 324 млн теңге қаржы (облыстық бюджеттен — 303 млн. теңге, республикалық бюджеттен — 21 млн. теңге) бөлінді. Аталған грант бойынша ү.ж. 1-12 шілдесі аралығында конкурс өткізіліп, Тараз қаласы мен аудандардан қайтарымсыз грантқа үміткер 573 жастың құжаты қаралып, 152 жастың
жобасы қолдау тапты. Ү.ж. 24 шілде — 27 тамыз аралығында «Атамекен» кәсіпкерлер палатасы арқылы 900 жас 2 кезеңдік оқу курсын аяқтады. Сонымен қатар, ү.ж. 7-18 қазаны аралығында жастардың инновациялық және кәсіпкерлік әлеуетін дамытуға бағытталған «Жас кәсіпкерлер мектебі» жобасы іске асырылды. 65 жас оқытылды. Бұл жоба курсты бітіріп, өз ісін ашам деген жастарға жеңілдетілген кредит немесе мемлекеттік грант алуға «Атамекен» кәсіпкерлер палатасы тарапынан мүмкіндіктер жасалған.
2019 жылы «Дипломмен ауылға» бағдарламасы аясында 666 маманға 127 млн. теңгеге көтерме жәрдемақы және 256 маманға тұрғын үй сатып алуға 970 млн. теңге қаржы қарастырылды. Ү.ж. 1 қарашасына 528 маманға 104,2 млн. теңге көтерме жәрдемақы және 266 маманға тұрғын үй сатып алуға 961,6 млн теңге несие берілді. Биылдан бастап волонтерлардың әлеуеті қайырымдылыққа, мұқтаж отбасыларына нақтылы көмек көрсетуге бағытталды. Бұл жұмыстарды жүйелендіру мақсатында облыс әкімдігінің №52 Қаулысымен (2019 жылғы 14 наурыздағы) «Қамқор» волонтерлік-қайырымдылық жобасын іске асыру жөніндегі Жоспары бекітілді. Жоспарға сәйкес әлеуметтік карта жасақтау мақсатында барлығы 1800 жас волонтер ретінде тартылды. Бұл мақсатқа 15 млн теңге қаржы қаралды. Тараз қаласында 3 қайырымдылық дүкені (Бейбітшілік 97 «А», Бәйдібек би 1 «А», Төле би 74 «Б» көшелерінде) ашылды, олар қажетті жабдықтармен (арнайы сөрелермен жабдықтау, тазалау құралдары т.с.с.) жабдықталды. Халық көп шоғырланатын 5 сауда орындарында арнайы киім-кешек, тұрмыстық заттар қабылдауға арналған жәшіктер (9 мөлтек ауданы «Айырылмас» СО, Абай даңғылы «Тарго» СО, Қант зауыты аймағы, Рафинадная көшесі 3 «А» «Тәтті себет» («Вкусная корзинка») СО, Жібек жолы 64 «Б» (40 мельница), «Тәтті себет» («Вкусная корзинка») СО) орнатылды. Жыл басынан бері жалпы 6 тонна (874 кг — қорлардан, 5,1 — тонна халықтан) киім-кешек жиналса, 2,5 тонна киім-кешек үлестірілді. Жалпы дүкенде 3,5 тонна киім-кешек қоры бар. Дүкендерге 70 отбасы айына 1 реттен келсе, 20 отбасы 3 айда 1 реттен келетіні анықталды. Сол сияқты, жоба аясында волонтерлардың ықпалымен облыс бойынша 609 отбасына 3,2 млн теңгеге азық-түлікпен
көмек көрсетілді. Жоба аясында «Харекет» қайырымдылық қорымен бірлесе отырып Т.Рысқұлов, Байзақ, Талас, Шу аудандары мен Тараз қаласында 10 мұқтаж (Байзақ — 3, Талас — 2, Т.Рысқұлов — 2, Шу — 1, Тараз қ 2) отбасына пәтер алып берілді.
Жамбыл облысы әкімдігінің
жастар саясаты
мәселелері басқармасы
