Наурыз айының екінші аптасында өңірде бірқатар мәдени шаралардың легі ұйымдастырылуда. Осы орайда оқырман назарына 12-18 наурыз аралығындағы мәдени-көпшілік шаралардың тізімін ұсынамыз. 14-наурыз күні «Баласағұн» ОКЗ-да көрісу көніне орай «Қош келдің, Наурыз!» атты ауқымды шарасы өтіп, жыл басы Наурыз мерекесін тойлау салтанаты басталады. 14-16 наурыз аралығында аудандарда «100 кітап» жобасы аясында «Әлем әдебиетінің жауһарлары» кітап карнавалы өтеді. Тағы да осы күндер аралығында Облыстық қазақ драма театрында балалар үшін «Жаңғырған жаңа күн» ертегісі қойылады. Ш.Уәлиханов атындағы кітапханада 14-наурыз күні «Наурыз – думан, Наурыз – ән» этно думаны, 14-17 наурыз аралығында облыстық орыс драма театрының «Мы встречаем Наурыз» театрландырылған қойылымы сахналанады. 15-наурыз күні қалалық мәдениет үйінде «Өлең мен әуен әлемі» атты жергілікті ақындар мен композиторлардың шығармашылық кеші, 15-31-наурыз аралығында облыстық көрме залында қаламыздың суретшілерінің «Наурыз – 2018» дәстүрлі көрмесі өтеді. 16-наурыз күні Қордай аудандық орталықтандырылған кітапханалар жүйесіне қарасты Әлжан ана ауылдық кітапханасының ашылуы болады. Мереке мен думанға толы аптада мәдени оқиғалардан қалыс қалмай, Әз Наурызды бірге тойлауға шақырамыз!
TURANINFO.KZ
