Тараз қаласының Әулиеата және Жібек жолы аудандарында тазалық талаптарының сақталуы тексерілді. Бақылау жұмыстарының нәтижесінде барлығы 96 құқықбұзушылық анықталды. Аталған заңбұзушылықтар бойынша 88 тұрғынға ескерту беріліп, 8 тұрғынға айыппұл салынды. Қолданылған шаралардың нәтижесінде салынған айыппұлдардың жалпы сомасы 155 700 теңгені құрады. Қала аумағындағы тәртіпті сақтау мақсатында тұрғындар өз аулалары мен іргелес аумақтардың тазалығына қатаң көңіл бөлуі тиіс. Сонымен қатар құрылыс қалдықтары мен тұрмыстық қоқыстарды кез келген белгіленбеген орындарға бейберекет тастауға қатаң тыйым салынады, өйткені бұл қоршаған ортаның ластануына және қала келбетінің бұзылуына тікелей әсер етеді. Қала тазалығы әрбір тұрғын үшін ортақ жауапкершілік екенін ескерте отырып, барша қала тұрғындарын тазалық талаптарын сақтап, туған қаламыздың көркеюіне өз үлесін қосуға шақырамыз.
