Тараз қаласында «Ауыл» партиясы Жамбыл облыстық филиалының активімен кездесу өтіп, өңірлік ұйымның жаңа басшысы таныстырылды.
Жиынға партия Орталық аппаратының басшысы Дәурен Бабамұратов, өңірлік филиал өкілдері мен партия белсенділері қатысты.
2026 жылғы 3 қазандағы Саяси кеңес Бюросының шешімімен «Ауыл» партиясы Жамбыл облыстық филиалының төрағасы болып VIII шақырылымдағы ҚР Парламенті Мәжілісінің депутаты Ерболат Байұзақұлы Саурықов сайланды.
Кездесуде Дәурен Бабамұратов филиалдың бұрынғы төрағасы Сұлушаш Құрманбековаға атқарған жұмысы үшін алғыс білдіріп, партия төрағасы Қайрат Айтуғановтың атынан алғыс хат табыстады.
Жиын барысында өңірлік филиалдың алдағы міндеттері айқындалды. Атап айтқанда, аудандық және бастауыш партия ұйымдарының жұмысын жандандыру, тұрғындармен байланысты нығайту, партия қатарына жаңа мүшелер тарту және жергілікті мәслихат депутаттарымен өзара іс-қимылды күшейту мәселелері талқыланды.
Өз кезегінде Ерболат Саурықов белгіленген міндеттерді партия активімен бірлесе жүзеге асыруға дайын екенін жеткізді.
TURANINFO.KZ
