Қазақстан Президенті Қасым-Жомарт Тоқаев Ресей Федерациясының Президенті Владимир Путинге Ресей Мемлекеттік Думасының тоғызыншы шақырылымы сайлауының табысты өтуіне байланысты құттықтау жеделхатын жолдады.
Мемлекет басшысы жеделхатында аталған сайлаудың Ресейдің қоғамдық-саяси өміріндегі маңызды оқиға екенін атап өтті.
Қасым-Жомарт Тоқаев сайланған Мемлекеттік Дума депутаттарына азаматтардың әл-ауқатын арттыру және елдің даму міндеттерін іске асыру бағытында табыс тіледі.
Сонымен қатар құттықтау жеделхатында Қазақстан мен Ресей арасындағы парламентаралық ынтымақтастыққа ерекше назар аударылды. Президент екі ел парламентшілері арасындағы өзара іс-қимылдың Қазақстан-Ресей ынтымақтастығын одан әрі дамытудағы маңызын атап өтті.
Мемлекет басшысы Құрылтай депутаттары мен Ресей парламентарийлері екі ел арасындағы көпқырлы ынтымақтастық пен стратегиялық серіктестікті нығайту бағытындағы бірлескен жұмысты жалғастыратынына сенім білдірді.
Қасым-Жомарт Тоқаев Владимир Путинге Ресей Федерациясының өркендеуі жолындағы мемлекеттік қызметіне табыс тіледі.
