Жамбыл облысы әкімінің 2017 жылғы «11» шілдедегі №273-ө өкімімен Жұманкулов Марат Сейтбекұлы Жамбыл облысы әкімдігінің денсаулық сақтау басқармасының басшысы болып тағайындалды
Жұманкулов Марат Сейтбекұлы 1966 жылы туылған, білімі жоғары, 1993 жылы Алматы мемлекеттік медицина институтын «Емдеу ісі» мамандығы бойынша бітірген.
Еңбек жолын 1983 жылы Семей медициналық институтының дене шынықтыру кафедрасының лаборанты болып бастаған. 1984-1985 жылдары Талас ауданы Ақкөл балалар және жастар спорт мектебінің жаттықтырушы,1988-1990 жылдары Алматы қалалық клиникалық жедел медициналық жәрдем ауруханасының санитары, 1990-1991 жылдары Алматы қаласындағы «Дина» шаруашылық есептегі өндірістік ғылыми техникалық бюросының массажисті, 1991 жылы Жамбыл облысының жедел жәрдем стансасында фельдшер, 1992-1993 жылдары Алматы қалалық клиникалық жедел медициналық жәрдем ауруханасында медаға, 1993-1994 жылдары Жамбыл қалалық жедел жәрдем ауруханасының интерн дәрігері, 1994-1996 жылдары Талас орталық аудандық ауруханасының емханасында меңгерушісі, 1996-1998 жылдары Алматы облысы Іле аудандық орталық ауруханасының бөлім меңгерушісі, 1998-1999 жылдары Алматы облысы Іле аудандық медициналық бірлестігінің бас терапевті, 1999-2000 жылдары Тараз қаласындағы медициналық жедел жәрдем ауруханасының терапевті, 2000-2001 жылдары Жуалы аудандық орталық ауруханасының бас дәрігердің ем қолдану жөніндегі орынбасары, 2001-2002 жылдары Меркі ауданы әкімдігі денсаулық сақтау басқармасының бастығы, 2000-2012 жылдары Меркі аудандық орталық ауруханасының бас дәрігері, 2012-2017 жылдары Жамбыл облысы әкімдігінің денсаулық сақтау басқармасы басшысының емдеу-алдын алу жұмыстары жөніндегі орынбасары қызметтерін атқарған.
www.zhambyl.gov.kz
