«Таза Қазақстан» республикалық экологиялық акциясы аясында қоршаған ортаны қорғау мен тазалық мәдениетін қалыптастыруға бағытталған жұмыстар жүйелі түрде жалғасуда.
Акцияның басты мақсаты – тұрғындардың экологиялық жауапкершілігін арттыру, қоғамдық орындардың тазалығын сақтау және табиғатқа жанашырлық көзқарасты қалыптастыру. Игі бастамаға еліміздің түкпір-түкпірінде мыңдаған азамат, еріктілер, жастар және түрлі ұйымдардың өкілдері белсенді қатысуда.
Бүгінде республика көлемінде миллиондаған тұрғын экологиялық шараларға атсалысып, мыңдаған сенбілік, ағаш отырғызу және абаттандыру жұмыстары ұйымдастырылды. Бұл жұмыстар елді мекендердің келбетін жақсартып қана қоймай, қоғамда экологиялық мәдениеттің нығаюына ықпал етуде.
Таза қоршаған орта – әр азаматтың ортақ жауапкершілігі. Сондықтан табиғатты қорғау, қоғамдық орындардың тазалығын сақтау және қоршаған ортаға ұқыпты қарау – әрқайсымыздың күнделікті өмір салтымызға айналуы тиіс.
