Қазақстан Республикасы Денсаулық сақтау министрлігі Медициналық және фармацевтикалық бақылау комитетінің Жамбыл облысы бойынша департаменті 2025 жылы бірқатар медициналық ұйымдарға жоспардан тыс тексерулер жүргізгенін хабарлады.
Департаменттің мәліметінше, емшара кабинеттеріне қатысты 37 тексеру жүргізіліп, оның нәтижесінде 59 объектіде лицензияның жоқтығы анықталған. Анықталған бұзушылықтар бойынша 96 субъект өз қызметін ерікті түрде тоқтатқан, 46 әкімшілік құқық бұзушылық туралы хаттама толтырылған.
Стоматологиялық клиникаларға қатысты 135 тексеру жүргізілген. Тексеру барысында 5 объектіде қызметтің нақты жүзеге асырылмағаны анықталды. Нәтижесінде 240 әкімшілік хаттама жасалған.
Сонымен қатар, 2025 жылы босандыру қызметін көрсететін 24 объектіге, сондай-ақ алғашқы медициналық-санитариялық көмек (АМСК) ұйымдарына қатысты кешенді бақылау-қадағалау іс-шаралары өткізілген.
Жүргізілген тексерулер қорытындысы бойынша медициналық және фармацевтикалық қызмет саласындағы заңнама талаптарының бұзылуы анықталып, жалпы саны 50 әкімшілік құқық бұзушылық туралы хаттама рәсімделген.
Фото коллаж ChatGPT жасалды
