Жамбыл облысының әкімдігінің ақпараттық және қоғамдық даму басқармасының «Халықтың құқықтық сауаттылығын арттыру және медиациялық қызметтер орталығының жұмысын ұйымдастыру» тапсырысы аясында “Жамбыл облысы жастар ұйымдарының Қауымдастығы” заңды тұлғалар бірлестігі мен 2025жылы 04 қараша күні Жуалы ауданы Б.Момышұлы ауылындағы Шерхан Мұртаза атындағы №1 гимназия мектебінде «Медиация бейбіт келесімге бастар жол» тақырыбында кездесу ұйымдастырылды.
Мақсаты:
Оқушыларға медиация ұғымының мәнін түсіндіру, даулар мен келіспеушіліктерді бейбіт жолмен шешу мәдениетін қалыптастыру, өзара түсіністік пен сыйластыққа тәрбиелеу.
Міндеттері:
- Медиацияның қоғамдағы және мектептегі рөлін түсіндіру;
- Дауларды шешудің тиімді және бейбіт тәсілдерін үйрету;
- Оқушыларды тыңдай білуге, сабыр мен төзімділікке баулу;
- Өзара сыйластық пен ынтымақтастықты нығайту;
Іс-шара модераторы «Жамбыл облысы Жастар Ұйымдарының Қауымдастығы» Заңды Тұлғалар Бірлістігінің Президенті Қ.Әбдиевтің сөзі:
Кездесу барысында оқушылармен жылы сәлемдесіп, іс-шараның мақсат-міндеттерімен таныстырды. Ол қоғам дамуының маңызды негіздерінің бірі – азаматтардың құқықтық сауаттылығы мен өзара түсіністікті сақтау екенін атап өтті. Сонымен қатар, медиацияның бейбіт келісім мен татулыққа бастайтын тиімді тетік ретіндегі рөліне тоқталды.
Құқықтық сауаттылықты артыруға байланысты Жамбыл облыстық адвокаттар алқасының адвокаты Арзымбетова Алия Исмадильдақызының сөзі:
Медиация ұғымы – қоғамдағы өзара түсіністік пен татулықты қамтамасыз етудің маңызды тетігі болып табылады деді. Ол дау мен келіспеушілікті бейбіт жолмен шешуді көздейтін, адамгершілік пен әділдікке негізделген құқықтық құрал ретінде қарастырылатына жайлы айтты. 
Сондай-ақ медиацияның қоғам мен жеке тұлға арасындағы үйлесімді байланысты қалыптастырудағы маңызын атап өтіп, оның басты қағидаларына – өзара сыйластық, бейтараптық, еріктілік және әділ шешім қабылдау принциптеріне тоқталды. Сонымен бірге, оқушыларға түсіністікке, сабырлылыққа және келісімге келу мәдениетіне тәрбиелеудің қажеттілігі жан-жақты түсіндірілді. Медиацияны меңгеру арқылы тұлғаның жауапкершілік деңгейі артып, өз көзқарасын мәдениетті түрде білдіруге және өзгелердің пікірін құрметтеуге үйренетіні айтылды. Кездесу барысында айтылған ойлар оқушыларға терең әсер қалдырып, бейбіт келісім мен өзара түсіністіктің қоғамдағы орны туралы түсініктерін кеңейтті.
Ақпарат Жамбыл облысы әкімдігінің ақпарат және қоғамдық даму басқармасының мемлекеттік ақпараттық тапсырыс негізінде жарияланды
