Жамбыл облысында: 2017 жылы жалпы құны 2,4 млдр. теңгені құрайтын бес жобаны іске асыру жоспарлануда

Жамбыл облысының Өңірлік коммуникациялар қызметі алаңында «Мемлекеттік сатып алудағы құқық бұзушылықтар» тақырыбында брифинг өтті. Брифингке Қаржы саласындағы құқық бұзушылықтарды тергеу басқармасы бюджет саласындағы құқық бұзушылықтарды тергеу бөлімінің басшысы Бегенов Бақытжан Аулканұлы, қаржы-несие саласындағы құқық бұзушылықтарды тергеу бөлімінің басшысы Дәулетбаев Еркін Жалғасбайұлы және қаржы-несие саласындағы құқық бұзушылықтарды тергеу бөлімінің аса маңызды істері жөніндегі бас маман – аға офицер Байдилдаев Жани Шәріпбайұлы қатысып, аталған мәселе бойынша журналистерге баяндап өтті.
Жани Шәріпбайұлының мәліметіне сүйенсек, 2016 жылы облыстың МКД ЭТҚ ҚСҚБТБ-ның өндірісінде 208 қылмыстық іс болып, оның ішінде 186 қылмыстық іс өндіріспен аяқталған.
Мемлекеттік сатып алу қызметінде — 71 құқық бұзушылық, квазимемлекеттік секторда – 56, Ұлттық компаниялар бойынша – 7 құқық бұзушылықтар тіркелген.
Жедел ақпарат бойынша – 59 құқық бұзушылық анықталып, оның ішінде 43 сотқа жолданаған, — деп айтты спикер.
Мемлекеттік сатып алуды жүргізу барысында бюджеттік қаражатты жымқыру саласындағы құқық бұзушылықтар бойынша Басқарманың өндірісінде 71 қылмыстық іс болып, оның ішінде 61 өңдірістен аяқталған, солардың ішінде 40 іс сотқа жолданған, 21 іс, олардың ішінде 9 іс келтірілген залалды өтеуіне байланысты ақталмайтын негіздермен өңдірістен қысқартылған.
Жоғарыда аталған істер бойынша анықталған келтірілген зиянның мөлшері 36,1 млн теңге, оның ішінде 6,4 млн теңге өндірілген. Және де қылмыстық істер бойынша бізбен 233 млн. теңге көлемінде мүлікке тыйым салынып, соттың шешімі бойынша мемлекеттің кірісіне өндірілді.
Мемлекеттік сатып алу саласында бізбен жедел ақпарат бойынша 50 құқық бұзушылық анықталып, сотқа дейінгі тергеп-тексеру жүргізілді.
Сонымен қатар, басқарма қызметкерлерімен дизельдік отынды жалған есептен шығару жолымен 147 млн. теңгеге мүлікті жымқырған «Локомотив» — «Шу экслуатациялық локомотивтік депосы» АҚ қызметкерлеріне қатысты қылмыстық іс тергелді.
Шу аудандық сотының үкімімен кінәлі тұлға сотталды.
Қазіргі таңда басқарманың өндірісінде Тараз қаласындағы жылу құбырларын сапасыз жөндеу дерегі бойынша заңды тұлғаның басшыларына қатысты, мемлекеттік сатып алу саласындағы қылмыстық іс тергелуде.
Сонымен қатар, «Қазпочта» АҚ қызметкерлерімен бюджеттік қаражатты жымқыру дерегі жиі орын алып отыр.
2016-2017 жылдары Жамбыл облысында құрылыс нысандары бойынша жалпы сомасы 41,5 млрд. теңгеге 332 мемлекеттік сатып алуға өткізілген.
Қазіргі таңда жалпы сомасы 20,3 млрд. теңгені құрайтын 280 нысан аяқталып, пайдалануға тапсырылған, олардың ішінде 2017 жылға өтетіндердің саны жалпы сомасы 21,2 млрд. теңге болатын 52 нысанды құрайды.
Сондай — ақ брифингте «Нұрлы жол» бағдарламасы бойынша өткен жылы 7 жоба іске асырылды, 3,3 млрд. теңге бөлініп, игерілді. Байзақ ауданы Түймекент ауылында және Тараз қаласы Құмшағал бекетінде 600 орындық екі мектеп пайдалануға берілген. Қордай ауданы Масанчи ауылында 280 орындық 3 балабақша және Тараз қаласындағы №30 орта мектеп 2017 жалға өтпелі болып табылады.
2017 жылы жалпы құны 2,4 млдр. теңгені құрайтын бес жобаны іске асыру жоспарлануда. Олардың ішіне, Байзақ ауданы Байзақ ауылында 300 орындық орта мектептің, Меркі ауданы Сарымолдаев ауылында 600 орындық жаңа ғимараттың құрылысы кіреді.
Басқарма қызметкерлерімен инвест жобаларға бөлінген бюджеттік қаражатттарды жымқыруды ескерту және мемлекеттік сатып алу саласындағы «тәуекелді» кәсіпорындарды талдау бойынша үнемі әр жоба бойынша ақпараттар жиналуда, — деп сөзін түйіндеді Жани Шәріпбайұлы.