Жиын барысында 2025 жылғы «Орта білім беретін үздік ұйым» республикалық грантының иегері белгілі болды. Бұл мәртебелі атаққа Тараз қаласындағы Жамбыл атындағы №5 мектеп-гимназиясы лайық деп танылды. Оқу орнына 68 млн. теңгенің сертификаты табысталды.
Аталған грант – білім беру сапасын арттыруда, инновациялық әдістерді енгізуде және оқушылардың жан-жақты дамуына жағдай жасауда мектеп ұжымының табанды еңбегінің нәтижесі. №5 мектеп-гимназиясы соңғы жылдары оқыту процесінде жаңа технологияларды тиімді қолдануымен, оқушылардың халықаралық және республикалық олимпиадалардағы жетістіктерімен ерекшеленіп келеді.
Сондай-ақ, «Орта білім беретін үздік ұйым» байқауына қатысып, белсенділік танытқаны үшін Меркі ауданы А.Асқаров атындағы мектеп-гимназиясы «Шығармашылық зертхана» номинациясымен марапатталды (1 млн тг).
Конференция аясында берілген бұл марапат өңірдегі білім ұйымдары үшін үлкен ынталандыру болып табылады. Ол басқа мектептерді де сапалы білім беруге, шығармашылық ізденіс пен кәсіби дамуға бағыттайтыны сөзсіз.
Мектеп ұжымын шын жүректен құттықтаймыз!
Жамбыл облысы Білім басқармасы
