Тараз қаласына жаңа әкімі тағайындалды

Тараз қаласының жаңа әкімі тағайындалды.
Аталған лауазымдық орынға Жамбыл облысы әкімінің №68-ө өкімімен Рүстем Рысбайұлы Дәулет тағайындалды.
Рүстем Рысбайұлы Дәулет 1974 жылдың 4 сәуірінде Жамбыл облысы Талас ауданы Бостандық ауылында дүниеге келген, білімі жоғары. 1996 жылы «Элтекс» Жамбыл жоғарғы кәсіпкерлік мектебін «Кәсіпкер-маркетолог», 2003 жылы Қазақстан Республикасы Президенті жанындағы Мемлекеттік қызмет академиясын «Мемлекеттік басқару», 2010 жылы М.Х.Дулати атындағы Тараз мемлекеттік университетін «Құқықтану бакалавры» мамандықтары бойынша бітірген. Коммерциялық ұйымдарда жұмыс істеген. Талас ауданы Бостандық ауылының әкімі, Бостандық ауыл аймағы әкімінің орынбасары,. Бостандық ауыл округінің әкімі, Қаратау қаласы әкімінің орынбасары қызметтерін атқарған. 2011 жылдың қыркүйегінен бастап бүгінгі күнге дейін Жамбыл ауданы әкімінің орынбасары, 2013-2015 жылдар аралығында Жамбыл ауданының әкімі, 2015 жылдан бастап Шу ауданының әкімі болған.