Осы бағытта жұмыс істейтін қоғамдық құрылымдардың бірі — Нурманова Севара басқаратын ерекше қажеттіліктері бар азаматтарды қолдауға арналған ұйым. Бұл ұйым өз қызметінде инклюзивті қоғам қалыптастыру, мүмкіндігі шектеулі жандардың құқықтарын қорғау және олардың әлеуметтік өмірге белсенді араласуына мүмкіндік жасау міндетін басты бағыт етіп алған.
Ұйымның негізгі мақсаты — мүгедектігі бар жандардың қоғамдық өмірге толыққанды қатысуына жағдай жасап, оларды әлеуметтік, медициналық, психологиялық және құқықтық қолдаумен қамту. Қазіргі таңда қоғамда ерекше қажеттіліктері бар жандарды оқшаулау емес, керісінше олардың әлеуетін ашу, мүмкіндіктерін кеңейту маңызды. Бұл ұйым дәл осы көзқарасты ұстанып, инклюзивтілік қағидатына негізделген жобаларды жүзеге асыруда.
Ұйымның қызметі бірінші және екінші топ мүгедектері мен ерекше қажеттіліктері бар балалардың кедергісіз өмір сүру ортасына қол жеткізуін қамтамасыз етуге бағытталған. Бұл ретте оларды әлеуметтік және медициналық мекемелерге дер кезінде жеткізу, қажетті кеңес пен көмек көрсету секілді қолдаулар көрсетілуде. Сондай-ақ, ұйым мүшелері осы топтағы азаматтардың қоғамдық орындарға баруына, күнделікті тұрмыстық мәселелерін шешуіне көмектесіп, олардың жеке өмірлік қажеттіліктеріне назар аударуда.
Қоғамдық бірлестіктің ең үлкен жетістігі — әлеуметтік осал топтардың өздерін қоғамның белсенді мүшесі ретінде сезінуіне жағдай жасап, олардың ішкі сенімін арттыру. Бұл — жай ғана әлеуметтік қолдау емес, адамның қадір-қасиетін сақтап, оның қоғамдағы орнын мойындау. Ал мұндай маңызды бастамалар инклюзивтілік мәдениетін қалыптастырып, өркениетті қоғам құру жолындағы үлкен қадам болып табылады.
Нурманова Севара басқаратын бұл ұйымның жұмысы — адам құқығы мен адами құндылықтарды басты орынға қоятын, ерекше қажеттіліктері бар жандардың ертеңіне үміт сыйлайтын маңызды қоғамдық іс.
