Естеріңізге сала кетейік, жақында құжатқа Мемлекет басшысы Қасым-Жомарт Тоқаев қол қойған болатын.
Сарапшының пікірінше, құжат су инфрақұрылымын дамытумен шектелмей, экологияға да үлкен мән береді.
«Қазақстанның жаңа Су кодексі алғаш рет әртүрлі секторларды біртұтас экожүйеге біріктіреді. Менің ойымша, бұл заң оң нәтижелер береді. Біз тек су инфрақұрылымына ғана емес, экологиялық денсаулықты да ескеретін көптеген жаһандық бастамамен қатар келеміз», – деп атап өтті БҰҰ Даму бағдарламасының су ресурстарын басқару жөніндегі халықаралық кеңесшісі Хьюберт Лор.
Айта кетейік, Су ресурстары және ирригация министрлігі су саласы үшін маңызды құжатты бес негізгі принципке сүйене отырып әзірледі. Бұл суды қоршаған ортаның ажырамас бөлігі, азаматтардың өмір сүру негізі мен экономикалық дамуының негізі ретінде мойындалуы, су қорын қорғау және оның сарқылуын болдырмау, жерүсті және жерасты суларын кешенді пайдалану, су үнемдеу технологияларын енгізу және климаттың өзгеруіне бейімделу, су қорын қорғау және пайдалану жөніндегі міндеттерді шешуге жұртшылықты тарту.
Су ресурстары және ирригация министрлігі
