Cпорттың 8 спорт түрі бойынша бақтарын сынауда. Оның ішінде көкпар, көкбөрі, жамбы ату, құсбегілік, қазақ күресі, кураш (өзбек күресі), ашыртмалы аба гюреши (түрік күресі), белбеу сынды спорт түрлері бар. Жалпы байрақты бәсекеде спорттың 21 түрінен 97 медаль сарапқа салынуда.
V Дүниежүзілік көшпенділер ойындарында ел намысын қорғаған жамбылдық спортшы Рауза Нұрмұхамедова чемпион атанды. Жерлесіміз қазақ күресінен 56 келі салмақ дәрежесіндегі финалдық белдесуде ресейлік қарсыласы Алена Фатиховадан басым түсті. Бұған дейін күрес шебері Әлем және Азия чемпионы, сондай-ақ Түркияда өткен IV Дүниежүзілік көшпенділер ойындарының күміс жүлдегері атанған болатын.
Сондай-ақ, дүбірлі додада кураш спорт түрінен жамбылдық балуан Бекәділ Шәймерденов 81 келі салмақта белдесіп, қола жүлдені еншіледі. Ол спорттық жолында Әлем чемпионаты мен Азия ойындарының күміс жүлдесіне ие болған.
Кураш спорт түрі бойынша 60 келіде Ернұр Сүлеймен, 66 келі салмақта белдескен Айбек Қазақбаев және 73 келіде боз кілемге көтерілген Нұрдін Шаймерден сынды әулиеаталық спортшылар ақтық сында қарсыластарына есе жіберіп күміс жүлдеге ие болды. 73 келіде Әділет Ахметғалида жеңіс тұғырының үшінші сатысынан көрінді.
Арнайы Астана қаласынан.
