Жиында алғашқы болып сөз алған округтің бас инспекторы Болат Баудинов атқарылған жұмыстаржөнінде кеңінен баяндады.
– №1 аумақтық округіне №12 «Астана» ықшамауданы, «Төрткөл», «Дорожник» тұрғын алқаптары кіреді. Қазіргі таңда мұнда 32800 адамтұрмыс кешуде. Былтыр округте тындырылғанілкімді істер баршылық. Айталық, Ы.Дүкенұлыатындағы қалалық мәдениет үйіне ағымды жөндеужұмыстары жүргізілсе, Достоевский көшесі, №21 «А» және Рысбек батыр көшесінің, №6, 6 «А» аулаларына ойын алаңшалары салынды. Сондай-ақРысбек батыр, Ниетқалиев көшелеріне заманауи 3 автобус аялдамасы орнатылып, Чехов көшесінің 2 бұрылысы мен Химик көшесі жарықтандырылды, – деген Болат Бияхметұлы ағымдағы жылыжоспарланған жұмыстарды да тілге тиек етті.
Басқосу барысында тұрғындар тарапынан Рысбек батыр көшесінде орналасқан №6а, Төле би даңғылы, №116 үйлердің шатырына күрделі жөндеу жүргізу, «Төрткөл» тұрғын алқабына балалар ойын алаңшасын орнату, Рысбек батыр көшесі мен Рахимов көшесінің қиылысына әлеуметтік дүкен салу, Рысбек батыр көшесі, «Үміт» кафесінің маңындағы 2 аялдаманы жаңарту, аталған көшені кеңейту және жаяу жүргіншілер жолын, арық жүйелерін қалпына келтіру сынды өзекті мәселелер көтерілді.
Барлық сауалды мұқият тыңдаған қала әкімі әрбір мәселе назардан тыс қалмайтынын жеткізді.– Бүгінгі күні қаланы өркендетуге бағытталған 3 жылдық даму жоспары қабылданды. Соныңаясында шаһардың ең өзекті мәселелеріне денқойып отырмыз. Барлығы кезең-кезеңімен өзшешімін табады. Мәселен, жоспарда межеленген 3 жылдың ішінде қаладағы 600 көшені жөндеуденөткізу көзделуде. Айталық былтырғы жылдыңөзінде 150 көше жөнделсе, биыл бұл көрсеткішті200-ге жеткізбекпіз. Қоғамдық көлік мәселесі де біздің назарымызда. Былтыр облыс орталығына 70-тен аса автобус жеткізілді. Биыл да осы межедентөмендемемеуді көздеп отырмыз. Сондықтан да әрбір тұрғынның тілегі ескеріліп, сол бойыншатиісті жұмыстар атқарылады, – деген БақытжанӘмірбекұлы жауапты сала басшыларына нақтытапсырмалар жүктеді.
Жиыннан кейін шаһар басшысы тұрғындарды жеке сұрақтарымен қабылдады.
