Бүгінгі таңда шаһар көшелеріндегі қарды тазартуға 192 жұмысшы мен 47 техника жұмылдырылған.
Қазіргі таңда, Абай, Көшеней, Сүлейменов, Жамбыл даңғылы, Тәуке хан, Төле би көшелері мен әуежай аймағы, парктер, скверлер, сондай-ақ, басқа да көшелер мен аялдамалардағы қар тазаланып, жолдар ашылды.
Шаһар аумағынан қазірге дейін 500 текше метрден аса қар шығарылды.
Күрелген қар тасымалдаушы техникалар көмегімен арнайы орынға төгілуде.
Мамандар қалада қар тазалау жұмыстарын тәулік бойы кезекпен атқарады.
Бұл бағыттағы жұмыстар облыс аудандарында да ұйымдастырылып, жалғасуда.
Жамбыл облысы әкімінің баспасөз қызметі
