Спикер атап өткендей, экономиканың қалған салалары арасында құрылыс 2022 жылдың тиісті кезеңімен салыстырғанда ең жоғары өсімді көрсетіп, нақты мәнінде 15,7%-ға ұлғайды.
«Саладағы оң көрсеткіштерге қарамастан, жалпы дамудың баяулауына және тежелуіне әкеп отырған бірқатар фактор бар», — деді ӨҚМ өкілі.
Бірінші кезекте, бұл құрылыстың қауіпсіздігі мен сапасы, мемлекеттік бақылауды күшейту және қатаңдату жөніндегі жаңа құралдар, саланы цифрландыру.
«Өңірлерде қала құрылысын дамытуды жүйелі жоспарлаудың болмауына және құрылыс салынған аумақты сәулетшілердің нығыздауына байланысты біз жұмыс істеп тұрған инженерлік желілердің қуаты мен шамадан тыс жүктелуінің, әлеуметтік объектілердің, рекреациялық аймақтардың қадамдық қолжетімділігінің болмауына, жол инфрақұрылымындағы кептелістерге куә болдық», — деді Б. Жүнісбеков.
Сондай-ақ, әкімдіктер ЖЖЖ әзірлеу және бекіту кезінде Бас жоспардың жобалық шешімдерінен негізсіз ауытқуларға, ЖЖЖ-ны заңсыз түзетуге жол береді. Осыған байланысты, 2020 жылдан бастап өткен кезеңге дейін комитет сәулетшілерге түрлі бұзушылықтарға жол бергені үшін 218 әкімшілік хаттама шығарды.
Сапаны қамтамасыз ету үшін осы жылдың 5 сәуірінде қол қойылған жылжымайтын мүліктің бірыңғай мемлекеттік кадастрын енгізу жөніндегі заң шеңберінде бірыңғай қала құрылысы сараптамасы енгізіледі. Тиісті өзгерістер 2024 жылдың қаңтарынан бастап күшіне енеді.
«Қала құрылысы сараптамасынан өтпеген және оның оң қорытындысын алмаған барлық деңгейдегі қала құрылысы жобалары бекітуге және одан әрі іске асыруға жатпайды», — деді ӨҚМ комитеті төрағасының орынбасары.
Қосымша әзірленіп жатқан Құрылыс кодексі шеңберінде өртке қарсы шаралардың алшақтықтығына, санитарлық-қорғау аймақтарына, инсоляцияға, сейсмикалық қауіпсіздікке қатысты және қолайлы тұруды қамтамасыз ету үшін басқа да өмірлік қажетті талаптардың нормаларын жоспарлау кезінде талаптарды күшейту көзделеді.
Брифинг барысында спикерлер журналистердің бірқатар сұрақтарына жауап берді.
Turaninfo.kz ақпарат агенттігі Бақытжан Жүнісбековтың тарапына: “Тараз қаласы көппәтерлі тұрғын үйлерді жөндеуге кредиттік қаражат 2023 жылы неге бөлінбеді? Әкімдік өтінім бердік дейді, сіздер қаражат бермедіңіздер? Осыған дейін бөлінеді деп айтып еді? Бақытжан Жүнісбеков, Жамбылда қызмет етіп, Таразға қаражат бөлінбеу себебінің нақтысын айтыңызшы?” деген сауал қойылды.
Сұраққа спикер: “Жамбыл облысы бойынша 2023 жылға өтінім берілген жоқ. Нақтылау кезінде қаржы министрлігінен қолдау болмаған. Бірақ 2024 жылы Жамбыл облысына 79 нысанға күрделі жөндеу жұмыстарын жүргізуге 5,9 миллиард теңге бөлу жоспарлануда”, деп жауап қайырды.
