Жамбыл облысы бойынша 2023 жылдың ІІ жарты жылдығына жоспарланған (өкілеттік мерзімдерінің аяқталуына байланысты) аудандық маңызы бар қала, ауыл, кент ауылдық округ әкімдерінің сайлауы туралы
ІІ – жарты жылдықта:
Жуалы ауданы
2023 жылғы 17 тамызда Билікөл және Нұрлыкент ауылдық округтері әкімдерінің заңда белгіленген өкілеттік мерзімдері аяқталады.
Мойынқұм ауданы
2023 жылғы 20 тамызда Жамбыл ауылдық округі 2 қыркүйекте Хантау ауылдық округі әкімдерінің заңда белгіленген өкілеттік мерзімдері аяқталады.
Шу ауданы
2023 жылғы 8 қыркүйекте Бірлікүстем және Көкқайнар ауылдық округтері әкімдерінің заңда белгіленген өкілеттік мерзімдері аяқталады.
Жамбыл ауданы
2023 жылғы 23 қазанда Полатқосшы ауылдық округі әкімінің заңда белгіленген өкілеттік мерзімі аяқталады.
Талас ауданы
2023 жылғы 1 қарашада Қаратау ауылдық округі әкімінің заңда белгіленген өкілеттік мерзімі аяқталады.
Сарысу ауданы
2023 жылғы 6 қарашада Жаңатас қаласы әкімінің заңда белгіленген өкілеттік мерзімі аяқталады.
Меркі ауданы
2023 жылғы 23 қарашада Жанатоған ауылдық округі әкімінің заңда белгіленген өкілеттік мерзімі аяқталады.
Т.Рысқұлов ауданы
2023 жылғы 6 желтоқсанда Құмарық ауылдық округі әкімінің заңда белгіленген өкілеттік мерзімі аяқталады.
«Қазақстан Республикасындағы сайлау туралы» Қазақстан Республикасының Конституциялық заңынан үзінді:
Аудандық маңызы бар қала, ауыл, кент, ауылдық округ әкімін сайлауды тиісті аудандық (қалалық) сайлау комиссиясы аудандық маңызы бар қала, ауыл, кент, ауылдық округ әкімінің өкілеттік мерзімі аяқталғанға дейін кемінде елу күн бұрын тағайындайды және осы Конституциялық заңның 113-3-бабының 6-тармағында және 113-9-бабында көрсетілген жағдайларды қоспағанда, оның заңда белгіленген өкілеттік мерзімі өткенге дейін кемінде он күн бұрын өткізілуге тиіс.
Аудандық маңызы бар қала, ауыл, кент, ауылдық округ әкімін сайлауды тиісті аудандық (қалалық) сайлау комиссиясы аудандық маңызы бар қала, ауыл, кент, ауылдық округ әкімінің өкілеттігі мерзімінен бұрын тоқтатылған немесе тиісті әкімшілік-аумақтық бірлік қайта ұйымдастырылған күннен бастап бір ай ішінде тағайындайды және олар тағайындалған күннен бастап қырық күн ішінде өткізіледі.
Сайлау күні туралы хабар жергілікті бұқаралық ақпарат құралдарында және сайлау комиссиясының интернет –парақшаларында жарияланады.
