Сарысуда жасөспірімдердің заңды өкілдеріне 487 325 тенге көлемінде айыппұл салынды

Мәжіліске Сарысу ауданы әкімінің орынбасары Еркебұлан Есмаханов, аудандық полиция бөлімінің бастығы Асхат Алметов, аудандық білім бөлімнің басшысы Ілияс Баймағамбетов, орталық аурухана бас дәрігері Бағлан Қыдырбаев, білім беру ұйымдарының басшылары және тағы басқа мүдделі тұлғалар қатысты.

«Бүгінде ауданда 12 686 кәмелетке толмаған жасөспірімдер бар. Оның 242-сі өзге ұлт өкілдері. Бүгінге дейін жасөспірімдер арасында ұлт аралық қақтығыстар орын алған жоқ.

Аудан бойынша жетім және ата-анасының қамқорлығынсыз қалған 37 бала тәрбиеленуде, оның ішінде 21 жетім, 16 ата-анасының қамқорлығынсыз қалған балалар. 22 бала мектеп жасындағы балалар, 14 бала университет, колледж білімгерлері 1 бала мектеп жасына жетпеген.

Жыл басынан бері кәмелетке толмағандардың істері және олардың құқықтарын қорғау жөнiндегi комиссияның 11 отырысы өткізіліп, 24 мәселе қаралды. Нәтижесінде, 4 отбасыдан 6 жетім және ата-анасының қамқорлығынсыз қалған балалар анықталып, 4 отбасыға қорғаншылыққа қамқоршылыққа берілді» деп баяндады Сарысу әкімінің орынбасары Еркебұлан Есмаханов.

Аудан бойынша жайсыз отбасы санатында тәрбиеленіп жатқан кәмелет жасқа толмаған 2 отбасыдан 7 бала тәрбиеленуде. Аталған балаларды қолдау шаралары тұрақты жүргізілуде. 2022 жылдың 8 айдың қорытындысы бойынша 542-ге жуық әкімшілік хаттама толтырылды. Оның ішінде кәмелетке толмағандардың құқық бұзушылығы бойынша заңды өкілдеріне 487 325 тенге көлемінде айыппұл салынды. 

Күн тәртібінде көрсетілген мәселе аясында барлық құзырлы органдардың атқарылған жұмыстары тындалып, жиын қорытындысымен құқық бұзушылықтың алдын алу бағытында жұмысты жандандыру қажеттілігі айтылып, бірқатар тапсырмалар берілді.

TURANINFO.KZ