Мұны Қазақстандағы адам құқығы мен заңдылықты сақтау жөніндегі халықаралық бюро хабарлады. Бюро қаңтар оқиғасына байланысты ұсталған кәмелет жасына толмағандар мен ересектерді, олардың адвокаттарын қосқанда 63 адамның арасында сауалнама жүргізген.
Есеп бойынша, полиция азаматтардың 63 пайызына ұстау кезінде күш қолданған және адамды не үшін ұстап жатқанын полиция 21 пайыз жағдайда ғана айтқан.
Евгений Жовтистің айтуынша, адвокаттардың азаптау оқиғасы бойынша шағымның 18 пайызында ғана азапталған адамға жәбірленуші статусы берілген. Азаматтардың 77 пайызы өзін кім азаптағанын білетінін айтса да, тек 18 пайыз адамды жәбірленуші деп тапқан.
Дереккөз: Азаттық
