Жамбыл облысы Шу ауданы әкімінің «19»мамырдағы № 80 өкімімен Шу ауданы әкімінің орынбасары қызметіне Бауыржан Батиханұлы тағайындалды.
Бауыржан Батиханұлы 1987 жылы туылған, білімі жоғары, 2009 жылы Әл-Фараби атындағы Қазақ Ұлттық Университетін «заңгер» және 2012 жылы Қазақ Ұлттық аграрлық университетін «экономика ғылымдарының магистрі» мамандықтары бойынша тәмамдаған.
Еңбек жолын 2010 жылы Қазақ Ұлттық аграрлық университеті ректорының көмекшісі болып бастаған.
2013 жылы Алматы гуманитарлық- техникалық университетінің оқу ісі жөніндегі проректоры;
2013-2014 жылдары Алматы гуманитарлық-техникалық университетінің аппарат басшысы;
2014-2015 жылдары Қазақ ұлттық аграрлық университетінің ұйымдастыру жұмысы бөлімінің басшысы;
2015 жылы жеке кәсіпкер;
2015-2018 жылдары Жамбыл облысы әкімінің кеңесшісі;
2018-2019 жылдары Қазақстан Республикасы Президенті Әкімшілігінің ақпараттандыру және ақпараттық ресурстарды қорғау бөлімінің референті;
2019 жылдан бүгінгі күнге дейін Қазақстан Республикасы Тұңғыш Президенті – Елбасы Кеңсесінің ұйымдастыру жұмысы бөлімінің консультанты қызметтерін атқарған.
