2021 жылдың 30 желтоқсанында Жамбыл облысы ТЖД Өрт сөндіру және авариялық-құтқару жұмыстары қызметінің қызметкерлері кезекті рет игі ниетпен облыстық Қан орталығына бас сұқты. Олар мұндай донорлық акциясына қатысып, адам өмірін құтқаруға өз үлестерін қосып жүргендігі бірінші жағдай емес. Бұл жолы өрт сөндіру қызметіне тиісті бөлімдерден 32 өрт сөндіруші мен құтқарушы қатысты.
Донор болған қызметкерлердің көпшілігі Қан орталығының тұрақты донорлары болып табылады. Бүгінде олар тек қан тапсырып қана қоймай, тіпті кейбірі қан плазмасын да тапсырды. Ал бұл өз кезегінде қан орталығы мамандарын қуанта түсері сөзсіз.
Өрт сөндірушілер мен құтқарушылар қызметте жүріп, адам өмірін құтқарып қана қоймай, осылайша азаматтарға жұмыстан бос уақытында да әрдайым көмек қолын созуға тырысады. Жеке құрамның осы іспетті игі істермен айналысуы көпшіліктің көңіліне қуаныш ұялатары сөзсіз.
Жамбыл облысы ТЖД Өрт сөндіру және авариялық-құтқару жұмыстары қызметінің жұртшылықпен байланыс жөніндегі тобы
