Бас әскери прокуратурада 2021 жылдың қорытындысы шығарылды деп ресми сайтында ақпарат жарияланды. Ақпаратқа сәйкес Әскери прокурорлардың медициналық сақтандыру алу кезінде мыңнан астам әскери қызметшілердің және оқу үшін 180 миллион теңгені артық төлеген әскери кафедралардың мыңға жуық студенттерінің құқықтарын қорғау, 4 мыңнан астам жұмыскердің жалақысы бойынша 357 миллион теңгеге берешекті өтеу, сондай-ақ 460 әскери зейнеткердің тұрғын үй құқықтарын іске асыру бойынша жұмысы оң бағаланыпты.
Сонымен қоса, Қоғамдық мүдделерді қорғау саласында басты назар қару-жарақ пен оқ-дәрілер айналымы кезінде қауіпсіздікті қамтамасыз етуге, оларды сақтау шарттарын сақтауға, болжамдық-талдау жұмысына, шешімдер қабылдау кезіндегі принциптілікке аударылды дейді ресми ақпаратта.
Күнтізбелік жыл аяқталмай жатып, Бас әскери прокурор генерал-лейтенант Дастан Сартаев армиядағы жекелеген қылмыстардың (бұзақылық, парақорлық, тонау және т.б.) оң төмендегенін айтса да, жыл аяғына дейін әскери арасында қылмыс болмайды деген кепілдік бере ала ма? Әлде Байзақ оқиғасынан әріптесі мен бірнеше әскери қаза тапқандығы туралы немесе Қордай ауданы, Гвардейскідегі өз өзіне қол жұмсаған әскери туралы ақпаратты айтпай жылды неге жауып отыр?