Бүгінгі таңда Талас ауданында 6 айдың қорытындысы бойынша сыбайлас жемқорлыққа қарсы күрес мәселелері туралы аудандық 2 комиссия отырысы өткізілген. Комиссия отырыстарында сыбайлас жемқорлыққа неғұрлым бейім салалар бойынша тыңдаулар өткізу мақсатында осы бағытта атқарылған жұмыстар туралы есептер тыңдалып, жүргізілген талдау негізінде аудан көлемінде жүргізілген іс-шараларға бөлінетін қаражатты қайта қарастыру ұсынылған. Осыған байланысты ағымдағы жылы сыбайлас жемқорлыққа қарсы 1 әлеуметтік тапсырысқа 1000,0 мың теңге көлемінде қаржы жоспарланған, ал 2020 жылы қоғамда жемқорлыққа қарсы иммунитетті қалыптастыру бойынша кешенді іс-шаралар ұйымдастыру тақырыбында «Талас ғұмыры» жастар қоғамдық бірлестігіне 400,0 мың теңге қарастырылған. Ал 2021 жылы аудан әкімдігіне қарасты мекеме қызметкерлеріне қатысты қозғалған қылмыстық істер тіркелмеген.
Жамбыл облысы әкімдігімен бірлескен сыбайлас жемқорлыққа қарсы іс-шаралар өткізу және қоғамда сыбайлас жемқорлыққа мәдениетті қалыптастыру бойынша 2021 жылға арналған кешенді жоспарына сәйкес, ауданда барлық нысаналы топтар (денсаулық сақтау мекемелері, мемлекеттік органдар, коммерциялық емес ұйымдар, білім беру мекемелері) арасында сыбайлас жемқорлықтың алдын алудың өзекті мәселелерін түсіндіру бойынша 6 кездесу ұйымдастырылған, білім беру мекемелерінде академиялық адалдық және парасаттылық бойынша «Парасатты тұлға – Ел дамуының негізгі факторы» атты бірыңғай адалдық сағаттары өткізілді, сонымен қатар, сыбайлас жемқорлыққа қарсы мәдениетті қалыптастыруға бағытталған тарату материалдары таратылған. Сонымен қатар, сыбайлас жемқорлыққа қарсы 15 баннер өнімдері дайындалып, аудан аумағында орналастырылған және сыбайлас жемқорлыққа қарсы заңнама мәселелері бойынша екі минуттық 1 түсіндірме бейнежазба түсіріліп, аудандық интернет ресурста орналастырылған.
«Адал Ұрпақ» ерікті мектеп клубтарының аясында 7-8 сынып оқушыларына «Парасатты болашақ» эссе байқауы, 1-11 сынып оқушыларына «Үлгілі сынып» байқауы, және аудандық «Адал ұрпақ» мектеп клубтарының слеті өткізілді. Қыркүйек айында қазақстандық жастар үшін жаңа тұлға, табысты көшбасшы Ренат Бектұровтың жеке өмірі мен мансабында жетістікке жетуге мүмкіндік берген әділеттілік пен адалдық, парасаттылық сияқты өмірлік құндылықтарымен бөліскен бейне дәрісі 7-11 сынып аралығында 876 оқушылардың чаттарына таратылып, көрсетілген және аудан мектептерінде «Парасатты отбасы» байқауы өткізілген. Тиімділік, нәтижелілік, ашықтық қағидаты аясында Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл Агенттігінің «Жамбыл адалдық алаңы» жобасын іске асыру мақсатында Қаратау қаласы әкімі аппаратының ғимаратының 1 қабатында 2019 жылдың 3 желтоқсанында «Сервистік әкімдік» пайдалануға берілді.
«Халық үніне құлақ асатын мемлекет» тұжырымдамасын іске асыру мақсатында аудан әкімдігінің бөлім басшылары, ауылдық округтер әкімдер, жалпы 35 мекеменің басшылары 1 қабатқа көшіріліп, 3 мемлекеттік орган «Оpen space» форматында қайта жабдықталып, ашық кеңседе жұмыс жүргізуде.«Сындарлы қоғамдық диалог – Қазақстанның тұрақтылығы мен өркендеуінің негізі» атты Қазақстан халқына жолдауында «Азаматтардың барлық сындарлы өтініш-тілектерін жедел әрі тиімді қарастыратын «Халық үніне құлақ асатын мемлекет» тұжырымдамасын іске асыру – бәрімізге ортақ міндетті екендігін атап өткен болатын. Бүгінгі күнге аудан тұрғындарымен кері байланыс орнату мақсатында «facebook» және «instagram» әлеуметтік желілерінде Талас ауданы әкімдігінің ресми парақшалары үздіксіз жұмыс жасауда. Аталған парақшаларға аудан тұрғындарынан келіп түскен сыни пікірлер, шағымдар мен ұсыныстар әкімдіктің тиісті бөлімдері мен құзырлы органдарға жолданып, жауабы өтініш иесіне жолдануда. Аталған мәселе аудан әкімдігінің тұрақты бақылауында және алдағы уақытта да түсіндіру жұмыстары тұрақты түрде жүргізілмек.
Материал Жамбыл облысы әкімдігінің ішкі саясат басқармасының тапсырысы бойынша дайындалды
