Осыдан бір жыл бұрын “Астана күні” мерекесінде Нұр-Сұлтан қаласында отшашу орын алып, әкімдік басы дауға қалып, ютуб хостингінде 27 млн қаралым жинаған “Ирина Кайратовна” тобының “5000” әнінде айқын көрініс тауып еді. Бірақ Сарысулық шенеуніктер оны көрмеген секілді. Олай деуімізге Жаңатас қаласы орталық алаңында “6 шілде — Астана күні” мерекесіне орай орталық алаңда концерт ұйымдастырылып артынан отшашу орын алды. Видео түсірген адам өзін көрсетпеуін сұрады.
Елімізде 2021 жылғы 8 шілдедегі коронавирус инфекциясына шалдыққандар саны — 35 554 адам коронавирус инфекциясынан (34 265 КВИ+ және 1 289 КВИ-) емделуде, олардың ішінде 10 940 пациент стационарда, 24 614 науқас амбулаториялық деңгейде ем қабылдауда. *КВИ+, **КВИ- шалдыққандардың арасында: 709 адамның жағдайы ауыр, 161 пациенттің жағдайы өте ауыр, 91 науқас ӨЖЖ (ИВЛ) аппаратында жатыр.
2021 жылғы 8 шілдедегі жағдай бойынша Қазақстан өңірлеріндегі эпидемиологиялық ахуалды бағалау матрицасында «Қызыл» аймақта: Нұр-Сұлтан, Алматы, Шымкент қалалары, Ақмола, Атырау, Батыс Қазақстан, Қарағанды, Маңғыстау және Павлодар облыстары. «Сары» аймақта: Алматы, Ақтөбе, Жамбыл, Қостанай, Қызылорда және Солтүстік Қазақстан облыстары. «Жасыл» аймақта: Түркістан және Шығыс Қазақстан облыстары.
Облысымыз бойынша 2021 жылдың 1 қаңтары мен 4 маусым аралығында COVID-19-дың 4204 жағдайы тіркелді, (көрсеткіші – 369,2), оның ішінде симптомдық ағымы бар 3007 науқас, симптомсыз ағымы бар 1197 науқас. Оның ішінде Сарысу ауданында 100 мың халыққа шаққандағы көрсеткіші 72,0/32 жағдай;
Мерекелік отшашу бойынша Сарысу ауданы әкімі Марат Сұлтанғалиевтен іс шараға қанша шығын кеткендігі, осындай пандемия кезінде отшашу қажет пе еді деген сауалдарға ресми жауап күтетін боламыз.
Айта кетерлігі, елордадағы отшашуға қарсы наразылықты Димаш Құдайберген бастаған еді.
Исламбек Дастан
Фото «ИРИНА КАЙРАТОВНА — 5000 [MV]» бейнебаяннан скриндеп алынды
Түсініктеме: *КВИ+ ПТР тестін нәтижесінде оң көрсеткіш көрсеткендер;
**КВИ- ПТР тестін нәтижесінде теріс көрсеткіш көрсеткендер, пневманиямен ауырып жатқандар;
