Жамбыл облысының Полиция департаменті патрульдік полиция батальонының қызметкерлері жолда қиын жағдайға тап болған жүргізушілерге көмек көрсетуді тоқтатпайды.
Ағымдағы жылдың 1 сәуірінде Жамбыл облысының ПД патрульдік полиция батальоны 5-взводының командирі полиция капитаны А.Юсупов Байзақ ауданындағы «Батыс Еуропа – Батыс Қытай» трассасының 453-шақырымын патрульдеу кезінде жол бойында тұрған Шымкент қаласы тұрғынының басқаруындағы «Mitsubishi Galant» маркалы көлікті көрді.
Сауалнама барысында жүргізуші Шымкент қаласына қарай келе жатқанын түсіндірді. Алайда, жолда көлігі бұзылған. Полиция қызметкері дереу жүргізушіге көмек көрсету туралы шешім қабылдап, оның көлігін Тараз қаласындағы көлік жөндейтін орынға жеткізді.
Көлік жүргізушісі тәртіп сақшысына көрсеткен көмегі үшін шын жүректен алғысын білдіріп, кейіннен «Тик-Ток»әлеуметтік желісіне бейнеролик орналастырды.
