ҚОРДАЙ ОҚИҒАСЫ. КІМДЕР АДАМ ӨЛТІРУ БАБЫМЕН АЙЫПТАЛУДА?

Бүгін судья Айдарбек Замбаев төрағалымен сот отырысы басталды.

Жаппай тәртіпсіздіктерге қатысқаны және басқа да құқықбұзушылықтар жасағаны үшін 51 адам қылмыстық жауапкершілікке тартылды, оның ішінде 33 адам қамауда, 16 адамға жеке кепілдік, 2 азаматтан ешқайда кетпеу және тиісті мінез-құлық туралы қолхат алынды.

Сот отырысынан ақпарат агенттігі бейнеконференция арқылы қылмыстық істі бақылауда. Бізге белгілі болғаны Қылмыстық кодекстің «АДАМ ӨЛТІРУ» БАБЫМЕН айыпталушылар:

Қылмыстық кодекстің 272 бабының 2 бөлігі (272-бап. Жаппай тәртiпсiздiк. Күш қолданумен, қиратумен, өртеумен, бұзумен, мүлiктi жоюмен, атыс қаруын, жарылғыш заттарды немесе жарылыс құрылғыларын қолданумен, сондай-ақ билік өкiлiне қарулы қарсылық көрсетумен ұласқан, оның ішінде шетелдік көздерден алынған қаражатты пайдалана отырып жаппай тәртiпсiздiкке қатысу. Жазасы: үш жылдан сегiз жылға дейiнгi мерзiмге бас бостандығынан айыруға жазаланады), 24 бабының 3 бөлігі (Қылмысқа дайындалу және қылмысқа оқталу. Қылмыс жасауға тура бағытталған, тікелей пиғылмен жасалған әрекеттер (әрекетсiздiк), егер бұл ретте қылмыс адамға байланысты емес мән-жайлар бойынша ақырына дейiн жеткiзiлмеген болса, қылмысқа оқталу деп танылады), 99 бабының 2 бөлігі 1-6-7-11-15 (Адам өлтiру: екi немесе одан көп адамды, басқа адамдардың өмiрiне қауiптi тәсiлмен жасалған; адамдар тобы, алдын ала сөз байласу арқылы адамдар тобы жасаған; әлеуметтiк, ұлттық, нәсiлдiк, дiни өшпендiлiк немесе араздық не қанды кек уәжі бойынша; қылмыстық топ жасаған, сол сияқты төтенше жағдай кезiнде немесе жаппай тәртiпсiздiк барысында жасалған адам өлтiру) тармақтарында көзделген қылмыстық құқық бұзушылық жасады деген айыппен сотқа берілген БОТАБАСОВ ДЖУМАХАН МАМУРХАНОВИЧқа,

Қылмыстық кодекстің 272 бабының 2 бөлігі (272-бап. Жаппай тәртiпсiздiк. Күш қолданумен, қиратумен, өртеумен, бұзумен, мүлiктi жоюмен, атыс қаруын, жарылғыш заттарды немесе жарылыс құрылғыларын қолданумен, сондай-ақ билік өкiлiне қарулы қарсылық көрсетумен ұласқан, оның ішінде шетелдік көздерден алынған қаражатты пайдалана отырып жаппай тәртiпсiздiкке қатысу. Жазасы: үш жылдан сегiз жылға дейiнгi мерзiмге бас бостандығынан айыруға жазаланады), 192 бабының 4 бөлігі 2 тармағы (Қарақшылық. Аса iрi мөлшерде жасалса), 24 бабының 3 бөлігі (24-бап. Қылмысқа дайындалу және қылмысқа оқталу. Қылмыс жасауға тура бағытталған, тікелей пиғылмен жасалған әрекеттер (әрекетсiздiк), егер бұл ретте қылмыс адамға байланысты емес мән-жайлар бойынша ақырына дейiн жеткiзiлмеген болса, қылмысқа оқталу деп танылады) 99 бабының 2 бөлігі 1-6-7-11 -15 (Адам өлтiру: екi немесе одан көп адамды,басқа адамдардың өмiрiне қауiптi тәсiлмен жасалған, адамдар тобы, алдын ала сөз байласу арқылы адамдар тобы жасаған; әлеуметтiк, ұлттық, нәсiлдiк, дiни өшпендiлiк немесе араздық не қанды кек уәжі бойынша; қылмыстық топ жасаған, сол сияқты төтенше жағдай кезiнде немесе жаппай тәртiпсiздiк барысында жасалған адам өлтiру) тармақтарымен көзделген қылмыстық құқық бұзушылық жасады деген айыппен сотқа берілген ТОҚОБАЙ МЕДЕТ ТАЛҒАТҰЛЫ,

Қылмыстық кодекстің 272 бабының 2 бөлігі (272-бап. Жаппай тәртiпсiздiк. Күш қолданумен, қиратумен, өртеумен, бұзумен, мүлiктi жоюмен, атыс қаруын, жарылғыш заттарды немесе жарылыс құрылғыларын қолданумен, сондай-ақ билік өкiлiне қарулы қарсылық көрсетумен ұласқан, оның ішінде шетелдік көздерден алынған қаражатты пайдалана отырып жаппай тәртiпсiздiкке қатысу. Жазасы: үш жылдан сегiз жылға дейiнгi мерзiмге бас бостандығынан айыруға жазаланады), 287 баптың 3 бөлігі (Атыс қаруын (тегiс ұңғылы аңшылық қаруынан басқа), оқ-дәрiлердi, жарылғыш заттарды немесе жарылыс құрылғыларын заңсыз иемдену, беру, өткiзу, сақтау, тасымалдау немесе алып жүру), 28 баптың 5 бөлігі (Кеңестерiмен, нұсқауларымен, ақпарат, осы іс-әрекетті жасайтын қару немесе құралдар беруімен не оны жасауға кедергiлердi жоюымен қылмыстық құқық бұзушылықтың жасалуына жәрдемдескен адам, сондай-ақ орындаушыны, қылмыстық құқық бұзушылық жасау қаруын немесе өзге де құралдарын, осы іс-әрекеттің iзiн не құқыққа қарсы жолмен қол жеткізілген заттарды жасыруға күні бұрын уәде берген адам, сол сияқты осындай заттарды иемденуге немесе өткiзуге күні бұрын уәде берген адам көмектесушi деп танылады), 99 баптың 2 бөлігі 6-11-15 тармағына (Адам өлтiру: басқа адамдардың өмiрiне қауiптi тәсiлмен жасалған; әлеуметтiк, ұлттық, нәсiлдiк, дiни өшпендiлiк немесе араздық не қанды кек уәжі бойынша; қылмыстық топ жасаған, сол сияқты төтенше жағдай кезiнде немесе жаппай тәртiпсiздiк барысында жасалған адам өлтiру) көзделген қылмысытық құқық бұзушылық жасады деген айыппен сотқа берілген БАЙКЕ РИНАТ КУРМАНГАЗИЕВИЧ қылмыстық іс бойынша бас соттау ашық деп жарияланды

Қылмыстық сот бойынша іс ашық сотында бейнежазба құралы пайдалана отырылып жүргізіледі.

Еске сала кетейік, 7 ақпанда Қордай ауданының Масаншы, Сортөбе және Аухатты ауылдарында жаппай тәртіпсіздік орын алған болатын. Оқиға салдарынан 11 адам қаза тауып, 150-ден астам адам, оның ішінде полиция қызметкерлері жарақат алды. Сондай-ақ, 156 тұрғын үй мен кәсіпкерлік нысандары, 100-ден астам көлік зақымданды.

АРЫ қарай мемлекеттік айыптау актісімен таныстыратын боалмыз.