Жамбыл облысы әкімдігі ішкі саясат басқармасы «Өңірлік коммуникациялар қызметінің» алаңында Байзақ ауданының әкімі Рахматілдән Сегізбайұлының қатысуымен баспасөз конференциясы өтті. Рахматілдә Рахманбердиев Байзақ ауданының 2019 жылғы І-тоқсанындағы әлеуметтік-экономикалық дамуы туралы баяндап, журналистердің сұрақтарына жауап берді.
Спикерлердің айтуынша, Ауданда бірінші тоқсанда өңір бойынша өнеркәсіп кәсіпорындарымен 1140,8 млн. теңгенің өнімі өндіріліп, өсім 100,6 пайызды, ауыл шаруашылығы өнімдерінің жалпы көлемі 3426,0 млн. теңгені, немесе 2018 жылдың тиісті кезеңімен салыстырғанда нақты көлем индексі 106,2 % құрады.
Аудан бюджетінің түсімдері есепті мерзімге жоспары 366507,3 мың теңге, нақты түскені 416092,9 мың теңге, немесе 113,5 %-ға орындалды.
Бөлшек сауда айналымының көлемі 2425,9 млн. теңгені немесе 2018 жылдың тиісті кезеңіне салыстырғанда 217,7 %-ды, негізгі капиталға салынған инвестициялардың көлемі 2019 жылдың І-тоқсанында 1541,8 млн. теңгені немесе 2018 жылдың тиісті кезеңіне 84,6% құрады.
2019 жылдың І-ші тоқсанында құрылыс жұмыстарының көлемі 468,6 млн. теңгені, немесе 2018 жылдың тиісті кезеңіне 111,7% құрады.
2019 жылы 6341 шаршы метр тұрғын үй пайдалануға берілді, ол өткен жылдың тиісті кезеңімен салыстырғанда 104,6% ға артты.
2019 жылдың өнімі үшін ауыл шаруашылығы дақылдарын 53545 гектар алқапқа орналастыру межеленген (2018 жылы 53418,5 га). Бұл өткен жылдың тиісті кезеңімен салыстырғанда 126,7 гектарға артты.
2019 жылдың бірінші тоқсанында 2543,4 тонна ет (сойыс салмақта), 6749,3 тонна сүт және 1 млн. 169 мың дана жұмыртқа өндірілді.
