Жамбыл облысының 2023 жылғы қаңтар-желтоқсан айларындағы әлеуметтік-экономикалық дамуының қорытындылары бойынша «Әкімдер рейтингі» әзірленді. Рейтингте орындалған индикаторы аз әкімдер жоғарыда орналасқан. Ал, ең көп индикатор орындаған әкімдер төменгі сатыда орналастырылды.

Жыл қорытындысымен экономикалық өсім 102,4%-ды құрады. Негізгі капиталға тартылған инвестиция көлемі 17,3%-ға (ҚР – 113,7%) артты. Пайдалануға берілген тұрғын үй көлемі 4,7%-ға өсті.

Есепті кезеңде темір жол көлігімен жүк тасымалдау 6,8%-ға,жүк айналымы 1,7%-ға; құбырмен жүк тасымалы 3,1%-ға, жүк айналымы 5,8%-ға қысқару есебінен жүк тасымалдау өткен жылдың тиісті кезеңінен 5,2%-ға (44,4 млн. тн), жүк айналымы 2,9%-ға (41,5 млрд. ткм) төмен қалыптасты.

Жолаушыларды тасымалдау 18,6%-ға (59,9 млн. адам) артып, жолаушы айналымы өткен жылдың тиісті деңгейіне 10,8%-ға төмендеді (1835,1 млн.жкм).

2023 жылдың 1 желтоқсанына халық саны 1222,6 мың адамды құрады, оның ішінде ауыл халқы — 692,1 мың (жалпы халық санының 56,6%-ы).

Орташа айлық жалақы өткен жылмен салыстырғанда 19,1%-ға (257,7 мың теңге (2023 ж 3 тоқсан)), халықтың орташа табысы 23,2%-ға (130,4 мың теңге (2023 ж 2 тоқсан)) артты.

Облыс бойынша скринингтік зерттеулерге жататын адамдардың 30-70 жас аралығындағы нысаналы топтары бойынша 2023 жыл қорытындысымен 202 088 тұлға тексеруден өтіп, 17 861 науқас анықталса, профилактикалық тексеруден жалпы 106 854 тұлға ауыл халқының нысаналы топтары тексерумен қамтылып, 3 148 науқас анықталып, емін алуда.

Өткізілген тексерулер нәтижесінде әлеуметтік мәндегі сырқаттанушылықтың арасында туберкулез, наркологиялық аурулар, психикалық бұзылу, қант диабеті, қан айналымы жүйесі ауруларынан болатын аурушаңдықты ерте анықтап, есепке алып, сауықтырудың арқасында өлім-жітімнің (1 мың адамға шаққанда) 6,11-ден 5,82-ге немесе 4,7%-ға төмендеуіне ықпал етті.

ӘКІМДЕР РЕЙТИНГІ:

11 орын. Қордай ауданы әкімі Бегзат Болатбеков.

Аудан әкімдігімен 12 индикатор орындалмаған. Оның ішінде, өңдеу өнеркәсібінің көлемі өткен жылмен салыстырғанда 11,7%-ға төмендеген, негізгі капиталға инвестиция көлемі 23,0%-ға қысқартылған, құрылыс көлемі 56,6% азайған.

10 орын. Мойынқұм ауданы әкімі Әлихан Балқыбеков

Мойынқұм ауданымен 9 индикатор орындалмаған. Оның ішінде, жеке инвестиция 96,7%, ауыл шаруашылығының негізгі капиталына салынған инвестиция көлемі өткен жылғы тиісті кезеңмен 21,7%-ға қысқартылды, негізгі капиталға инвестиция көлемі 68,2%-ға азайған.

9 орын. Т.Рысқұлов ауданы әкімі Ернар Есіркепов

Аудан әкімдігімен 9 индикатор орындалмаған. Оның ішінде, ауыл шаруашылығы көлемі 88,1%,негізгі капиталға инвестиция көлемі 17,3%-ға азайған, өңдеу өнеркәсібінің көлемі өткен жылмен салыстырғанда 1,1%-ға төмендеген.