Жамбыл облысы әкімдігінің табиғи ресурстар және табиғат пайдалануды реттеу басқармасының мәліметінше Тұрмыстық қатты қалдықтардың түзілуіне байланысты оларды кәдеге жарату үлесі бойынша жылдық жоспар — 13 пайыз болса, І жартыжылдықтың орындалуы бойынша 7,8 пайызды құрады. 2021 жылғы 1 шілдедегі жағдай бойынша 38 670 тонна жинақталды, оның ішінде 3 019 тонна қалдықтар бөлек сұрыпталды. Жыл қорытындысы бойынша индикаторға қол жеткізіледі. Тұрмыстық қатты қалдықтарды орналастыру объектілерінің қоршаған ортаға эмиссия үшін экологиялық рұқсаттарды рәсімдеу бойынша облыста коммуналдық меншіктегі 158 полигон экологиялық талаптарға сай болса, оның 63-інде қоршаулары жоқ (Жуалы — 4, Мойынқұм — 23, Сарысу — 12, Т.Рысқұлов — 7, Шу — 17).
Тұрғын үй-коммуналдық шаруашылық, жолаушылар көлігі және автомобиль жолдары бөлімдері ұсынған ақпараты бойынша Мойынқұм ауданында — 10, Т.Рысқұлов ауданында — 7 қалпына келтіру қажет, рекультивация жасалыпғ жоспар бойынша олар жабылатын болады. Бүгінгі таңда 46 полигонға, Жуалы бойынша — 4, Сарысу бойынша — 12, Мойынқұм бойынша — 13, Шу бойынша – 17 нысанға қоршауларын орнату қажет. Бүгінгі күні тек Жуалы мен Мойынқұм ауданында қоршауларды орнатуға мемлекеттік сатып алу рәсімдері жүргізілуде, қалған аудандарда жұмыстар жүргізілмейді. Қазіргі кезде облыстың халқын қалдықтарды жинау және тасымалдау бойынша көрсетілетін қызметтермен қамту бойынша І жартыжылдықтағы орындалуы – 96,6 пайызды құрады.Аудан әкімдіктердің ақпараттары бойынша тұрғындармен бекітілген келісім бойынша қалдықтарды жинау мен тасымалдау қызметтері көрсетуде.
Алайда, Тараз қаласы, Меркі, Т.Рысқұлов және Сарысу аудандарды қоспағанда тұрмыстық қатты қалдықтарды жинау, әкету және көму тарифтері, түзілу және жинақталу нормалары бекітілгенімен, Қазақстан Республикасы Энергетика министрдің бұйрықтарына сәйкес келтірілмеген. Кездейсоқ қоқыс орындары бойынша 2021 жылғы 1 шілдедегі жағдайна космомониторинг нәтижесіне сәйкес, 165 рұқсатсыз қоқыс орын анықталды. Оның ішінде Тараз қаласында- 30, Байзақ ауданында — 40, Жамбыл ауданында — 46, Жуалыда — 23, Т.Рысқұлов ауданында — 4, Таласта — 22. Осыған орай, жергілікті жерлердегі кездейсоқ үйінділерді жою жөніндегі іс-шаралар жоспары, жою кестесі бекітіліп, жұмыс тобы құрылған. Бүгінгі таңда 117 кездейсоқ қоқыс орындары жойылып, 48-і қалды. Бұл жұмыстар 15 тамызға дейін толық аяқталуы қажет деп күтілде.
Материал Жамбыл облысы әкімдігінің ішкі саясат басқармасының тапсырысы бойынша дайындалды
