Жекеменшік ұйымдарда балалардың үлесі 23% құрады

Бүгін «Баласағұн» мәдениет сарайында «Төртінші өнеркәсіптік революция жағдайындағы адами капитал» атты тамыз конференциясы өтті. Конференцияға облыс әкімі Асқар Мырзахметов, сенат депутаты Абдалы Нұралиев және білім беру мекемелерінің басшылары мен ұстаздары қатысты.
— Облыста 502 мектепке дейінгі ұйым қызмет етеді, онда 54 мың бала тәрбиеленуде. Мектепке дейінгі тәрбиемен 1-6 жас аралығында қамтылғандар үлесі 68,0% 3-6 жастағылардың 91,1% қамтылған (республика 1-6 жас -66,1% 3-6 жас -90,5%) — деп мәлімдеді облыстың бас педагогы Рахия Тұрмаханбетова.
Айта кетерлігі, Халықтың саны көп өңірлерде мектепке дейінгі ұйымдар желісімен қамтамасыз етуде қиындықтар бар (Т.Рысқұлов -79,6% Меркі -82,6% Шу ауданы -88,5% Талас -89,3% Қордай -89,6%). Биыл 26 жекеменшік балабақша ашылды (оның саны 123-ке жетті). Бұл бізге қосымша 12414 орын беріп отыр. Жекеменшік ұйымдарда балалардың үлесі 23% құрады. Осы жылдың ерекшелегі мектепке дейінгі ұйымдардак балалардың білімі мен дағдыларының дамуын бағалау жүйесі енгізілді.