Жамбыл облысы Жуалы, Сарысу және Шу аудандарында орын алған тағайындаулар туралы сөз болмақ.
- Жуалы ауданы әкімінің 2019 жылғы 18 маусымдағы өкімімен Мырзалиев Жәнібек Амангелдіұлы Жуалы ауданы Қошқарата ауылдық округінің әкімі болып тағайындалды.
Мырзалиев Жәнібек Амангелдіұлы Жуалы ауданы, Көлтоған ауылында дүниеге келген. 2007 жылы Тараз мемлекеттік педагогикалық институтын аяқтаған. Мамандығы — Физика және информатика пәнінің мұғалімі.
Еңбек жолын 2005 жылы Шымкент қаласындағы «Оңтүстік-жер» ЖШС да оператор маманы болып бастап, әр жылдары Оңүстік Қазақстан облысы «Мардан Строй» ЖШС да инженер-геодезист, Жуалы ауданы, Боралдай ауылдық округі әкімі аппаратында инспектор, жетекші маман, Жуалы ауданы әкімдігінің ішкі саясат бөлімінің «Жастар орталығы» мекемесінің Боралдай ауылдық округіндегі жастар ісі нұсқаушысы, Жуалы ауданы әкімдігі ішкі саясат бөлімінің «Жастар ресурстық орталығы» мекемесі директорының орынбасары, Жуалы ауданы әкімдігі ішкі саясат бөлімінің «Жастар ресурстық орталығы» мекемесінің директоры қызметтерін атқарған.
Отбасылы 2 ұл,1 қыз тәрбиелеп отыр.
- Сарысу ауданы әкімінің өкімімен Сақыпбеков Жұмат Жұмабекұлы Сарысу ауданы әкімі аппаратының басшысы лауазымына тағайындалды.
Сақыпбеков Жұмат Жұмабекұлы 1980 жылы 22 тамызда Жамбыл облысы Сарысу ауданы Байқадам ауылында дүниеге келген.
2002 жылы М.Х.Дулати атындағы Тараз мемлекеттік университетін «экономист» және 2011 жылы аталған университетті «құқықтану» мамандықтары бойынша бітірген.
Еңбек жолын 1998 жылы Жайылма ауылындағы орта мектепте есепші болып бастаған.
1999-2000 жылдары «Көгалдандыру және көріктендіру» кәсіпорнының инспекторы, есепшісі, 2001-2002 жылдары аудандық денсаулық сақтау басқармасының орталықтандырылған есеп бөлімінің топ жетекшісі, бас есепшісі, 2002-2007 жылдары аудандық аумақтық емханасының бас есепшісі, 2007-2012 жылдары аталған емхана бас дәрігерінің экономикалық сұрақтары жөніндегі орынбасары, 2012-2013 жылдары аудан әкімдігінің ішкі саясат бөлімінің бас маманы, аудан әкімдігінің кәсіпкерлік және ауыл шаруашылығы бөлімінің сектор меңгерушісі, 2013-2018 жылдары аудан әкімдігінің кәсіпкерлік және өнеркәсіп бөлімінің басшысы, 2018-2019 жылдары «Жамбыл облыстық орман шаруашылығы және жануарлар дүниесі аумақтық инс-пекциясы» республикалық мемлекеттік мекемесінің кадрлық, қаржылық, және құқықтық жұмыс бөлімінің басшысы, 2019 жылдың наурыз айынан осы уақытқа дейін аудан әкімі аппаратының аударма жөніндегі редакторы қызметін атқарды.
Отбасылы, 4 ұл, 1 қыз тәрбиелеуде.
- Сарысу ауданы әкімінің өкімімен Нұрмаханова Лаура Игенқызы Сарысу ауданы әкімінің орынбасары лауазымына тағайындалды
Нұрмаханова Лаура Игенқызы 1970 жылы 11 сәуірде Жамбыл облысы Сарысу ауданы Байқадам ауылында дүниеге келген.
1994 жылы Жамбыл педагогтік институтын қазақ мектептеріндегі орыс тілі мен әдебиеті пәнінің мұғалімі мамандығы бойынша бітірген.
Еңбек жолын 1987-1988 жылдары Ақтоғай ауылындағы Серго атындағы негізгі мектебінің орыс тілі пәні мұғалімі болып бастаған.
1988-1995 жылдары Ю.Гагарин атындағы негізгі мектебінің орыс тілі пәні мұғалімі, 1995-1996 жылдары №37 Сүлейменов атындағы мектебінің орыс тілі мен әдебиеті пәні мұғалімі, 1996-2002 жылдары Байқадам атындағы орта мектебінің орыс тілі мен әдебиеті пәні мұғалімі, 2002-2013 жылдары Байқадам атындағы орта мектебі директорының оқу ісі жөніндегі орынбасары, оқу-тәрбие ісі жөніндегі орынбасары, 2013-2014 жылдары Шағалалы негізгі мектебінің директоры, 2014 жылдың желтоқсан айынан осы уақытқа дейін Ш.Уәлиханов атындағы мектеп-гимназиясының директоры қызметтерін атқарған.
Отбасылы, 1 ұл, 2 қыз тәрбиелеуде.
- Шу ауданы әкімінің өкімімен Бименбетов Асқар Өсербайұлын 2019 жылғы 20 маусымынан бастап аудан әкімдігінің білім бөлімінің басшысы қызметіне тағайындалсын.
Бименбетов Асқар Өсербайұлы 1967 жылы 6 қазан айында Жамбыл облысы, Шу ауданы, Бірлікүстем ауылында дүниеге келген. Ұлты қазақ. Білімі жоғары. 2003 жылы М.Х.Дулати атындағы Тараз Мемлекеттік университетін «математика» мамандығы бойынша тәмамдаған.Еңбек жолын 1985 жылы Шу АТЭП-те жұмысшы болып бастаған.
1986 жылы Чкалов совкозында жұмысшы;
1988-1990 жылдары Жайсан совхозында жүргізуші;
1990 жылы Шу аудандық дезинфекция станциясында көлік жүргізуші;
1998-2006 жылдары Домалақ-Ене орта мектебінде мұғалім;
2006-.2008 жылдары Домалақ-Ене орта мектебінде социолог;
2008-2010 жылдары Домалақ-Ене орта мектебінде директордың оқу ісі жөніндегі орынбасары;
2010-2015 жылдары Домалақ-Ене орта мектебінің директоры;
2015-2016 жылдары Бірлікүстем ауылдық округі әкімінің міндетін атқарушы;
2016-2019 жылдары Бірлікүстем ауылдық округінің әкімі
Отбасылы. 4 бала тәрбиелеуде.Ақпараттар ашық дереккөздерден алынды.
