Бүгін бұл туралы Өңірлік коммуникациялар қызметінде ҚР Сыбайлас жемқорлыққа қарсы іс-қимыл агенттігінің Жамбыл облысы бойынша департаменті басшысының бірінші орынбасары Равиль Төлебаев айтты.
Жастардың қазіргі өмірден өз орнын табуына, өз бойындағы табиғи дарыны мен адами қабілетінің ашыла түсуіне көмектесудің мәні бүгінгі қоғамдық – әлеуметтік жағдай мен әлемнің жаңғырып дамуына орай тіпті арта түсуде. Әсіресе қазіргі ел өркендеуінің өтпелі кезеңінде көрініс беріп отырған кей келеңсіз жағдайлар тұсында рухани – адамгершілік тәрбиесінің ерекше маңызға ие екені айқын аңғарылуда.
Осы орайда, жастарға адалдық, әділдік, асыл қасиеттерді сіңіруге және жоғары адамгершілік қасиеттерді ұстануларды қалыптастыру мақсатында мектептерде «Адал ұрпақ» еріктілер клубы және жоғарғы оқу орындары мен колледждерде «Саналы ұрпақ» жобалық кеңселері жұмыс жасауда.
Аталған жобалар аясында Департамент, «Жамбыл – адалдық алаңы» жобалық кеңсесі және білім басқармасымен бірлесіп «Парасатты отбасы» байқауын өткізу туралы шешім қабылданды.
Байқаудың мақсаты – қоғамнын негізін қалайтын отбасы құндылықтарын насихаттау, отбасы мүшелерінің арасындағы бауырмалдық, қайырымдылық, достық қарым-қатынасты қалыптастыру, заманауи жетістіктерге лайықты парасатты тұлғаны дамыту, озат-ойлы, парасатты, қайырымды оқушыны анықтауға бағытталған және де, жеңімпаз атанған парасатты отбасыларды қоғам ортасында әрдайым үлгі ретінде БАҚ көздері арқылы насихаттайтын боламыз.
Байқауға қатысу шарттары:
— Байқаудың жеңімпаздарын шығару барысында Жамбыл облысының әртүрлі қызмет саласында жұмыс істейтін азаматтары бар отбасыларына көңіл бөлінеді.
— Байқауда азаматтардың сыбайлас жемқорлыққа қарсы мәдениеті мен азаматтық ұстанымдарына назар аударылады.
— Байқауға қоғамда белсенді, үлгілі отбасылар қатыса алады.
— Байқауға абыройлы, парасатты және қоғамдық жұмыстарда белсенді, креативті, жаңашыл, парасатты, қайырымды әрекетімен көзге түскен отбасылар назар аударылады.
— Балалары қоғамдық іс-шараларға белсене қатысатын, парасатты, отбасы құндылықтарын қадірлейтін, спорт немесе өнермен шұғылданатын, ата-ана тәрбиесін қоғамдық өмірде көрсете алатын, көптеген әдеби-публицистикалық әдебиеттер оқыған болуы керек.
Облыстық кезеңге қатысу туралы өтінім 2019 жылдың 15 қазанына дейін қабылданады.
Байқау 2 кезеңнен тұрады. «Парасатты отбасы» байқауы аудандық, Тараз қалалық білім мекемелерінде өткізілуде. Қазіргі таңда, байқаудың мектепішілік, аудандық (қалалық) кезеңіне 508 отбасы қатысты.
Ағымдағы жылдың 7 қарашасында өткізілетін екінші облыстық кезеңге аудандар мен Тараз қаласында үздік деп танылған 29 отбасы қатысады.
Байқаудың қазылар алқасы үздік деп танылған жанұяларды «Парасатты отбасы», «Көптілді отбасы», «Үздік оқырман отбасы», «Интеллектуалды отбасы», «Шығармашыл отбасы», «Шеберлер отбасы», «Өнерлі отбасы», «Жомарт отбасы», «Саяхатшы отбасы» номинациялары бойынша анықтайды. Жеңімпаздар І, ІІ және ІІІ орындар және бағалы сыйлықтармен марапатталады.
Ережесі бойынша толық ақпаратты аудандық (қалалық) білім бөлімдері немесе Жамбыл облысы әкімдігінің білім басқармасынан алуға болады. (Тараз қаласы, Төле би к-сі 35, тел.8 (7262) 43-88-41)
