Жамбыл облысында үй жануарларының қатысуымен орын алатын жол-көлік оқиғаларының алдын алу мақсатында профилактикалық шаралар жүргізілуде

Жамбылдық полицейлер үй жануарларының қатысуымен орын алатын
жол-көлік оқиғаларының алдын алу шараларын қабылдауда, деп хабарлайды
Polisia.kz.
Қараусыз жайылған үй жануарлары түнде де, күндіз де жол-көлік
оқиғаларының орын алуына себеп болуда. Ағымдағы жылдың 5 айында
Жамбыл облысының аумағында осындай бес жол-көлік оқиғасы орын алып,
15 адам зардап шекті. Егер жол-көлік оқиғасы 1.24 «Мал айдау» және 1.25
«Жабайы жануарлар» жол белгілері қолданылатын аймақта орын алса және
адамдардың денсаулығына зиян келтірілмесе, онда полиция қызметкерлері
ӘҚБтК-нің 610-бабының 1-бөлімі «Көлік құралының, жүктердің, жолдардың,
жол және өзге де құрылыстардың немесе өзге де мүліктің бүлінуіне әкеп
соққан, материалдық залал келтірген жол қозғалысы қауіпсіздігін
қамтамасыз етудің белгіленген ережелерін бұзу» бойынша жүргізушіге
қатысты әкімшілік құқық бұзушылық туралы хаттама толтырады.
Егер жол-көлік оқиғасы 1.24 «Мал айдау» және 1.25 «Жабайы
жануарлар» ескерту жол белгілерінің әрекет ету аймағынан тыс болса және
жүргізуші жол қозғалысы ережелерін бұзбаса, онда ол осы бап бойынша
әкімшілік жауапкершілікке тартылмайды. Жол-көлік оқиғасының себебі
мұндай жағдайларда ҚР ЖҚЕ 24-бабының 8-тармағының 1)
тармақшасында(«Малдың қатты төсенішті жолдарға шығып кетуі мүмкін
жағдайларда оларды қадағалаусыз қалдыруға жол берілмейді»)
қарастырылған мал иесінің жануарларды қадағалауды жүзеге асыру
жөніндегі міндеттерді орындамауы болып табылады.
Бұл жағдайда көлік жүргізушісі жануардың иесінен автомашинаға
келтірілген залалға қатысты өтемақы өндіріп алу үшін азаматтық тәртіппен
сотқа жүгінуге құқылы. Үй малдарының қатысуымен орын алатын жол-көлік
оқиғаларының алдын алу үшін Жамбыл облысының Полиция департаменті
патрульдік полиция батальонының қызметкерлері күн сайын бекітілген жол-
көлік учаскелерінде патрульдеу кезінде жолдың жүру бөлігінен жайылған
малды айдап өту бойынша шаралар қабылдайды, мал иелері анықталып,
алдын алу, түсіндіру жұмыстары жүргізіледі.
Үй жануарларының иелерімен профилактикалық әңгіме барысында
тәртіп сақшылары ҚР ӘҚБтК-нің 633-бабының 2-бөлімі «Автомобиль
жолдарына бөлінген белдеуді қорғау және пайдалану ережелерін бұзу»
бойынша әкімшілік жауапкершілікке тартылатынын ескертеді. Осы
бұзушылық үшін жеке тұлғаларға – бес, шағын кәсіпкерлік субъектілеріне
немесе коммерциялық емес ұйымдарға – жиырма бес, орта кәсіпкерлік
субъектілеріне – қырық, ірі кәсіпкерлік субъектілеріне бір жүз айлық есептік
көрсеткіш мөлшерінде айыппұл салу көзделген. Жамбыл облысының
Полиция департаменті сізден шаруашылықтағы мал басының сақталуын
ұжымдық жаю арқылы қамтамасыз етуді сұрайды.