Бүгін «Nur Otan» партиясының облыстық және аудандық мәслихат депутаттығына үміткерлер Бахытжан Сеиткаримов, Бегалы Ералиев, Ғалымжан Сағынтаев, Сағатбек Кулекеев, Лайла Шатырбаева “Есіктен есікке” акциясы аясында Ерназар ауылдық округінің сайлаушыларымен кездесті.
Кездесу барысында үміткерлер сайлаушыларға «Өзгерістер жолы: Әр азаматқа лайықты өмір» атты «Nur Otan» партиясының 5 жылға арналған сайлауалды бағдарламасын түсіндіріп, үгіт-насихат жұмыстарын жасады.
Сайлаушылар тарапынан аталған ауылдық округке қатысты мәселелер көтеріліп, қызу талқыланды.
— «Nur Otan» партиясы азаматтардың өмір сүру сапасын жан-жақты арттыруды, әрбір адамның таза суға, ауаға және сапалы инфрақұрылымға қол жеткізуін қолдайды. Сондықтан 2023 жылға қарай облыстағы 119 ауылдық елді мекенді сапалы ауыз сумен қамтамасыз ету, 2025 жылға қарай 107 ауылдық елді мекенді орталықтандырылған газбен қамту міндеті тұр. Нәтижесінде өңірдегі 125,8 мың тұрғынды сапалы ауыз сумен, 128 мың тұрғын орталықтандырылған газбен қамтамасыз етіледі, — деді үміткерлер.
Сондай-ақ, алдағы 5 жылда облыстың барлық аудандарында 1,2 мың шқ автожолдарды салынады. Облыс тұрғындарының жайлы тұруы үшін «Nur Otan» партиясы халықты су бұрумен, жылумен және көшелер мен аулаларды абаттандырумен қамтамасыз ету мәселелерін шешетін болады. Қабылданған шаралардың нәтижесінде 3 мың облыс тұрғынының өмір сүру сапасы жақсарады.
Үміткерлер айтылған кейбір мәселелер партияның сайлауалды бағдарламасында нақты атап көрсеткендігін тілге тиек етіп, өзге де түйткілді мәселелрге қатысты ұсыныстарды назарға алатындықтарын жеткізді.
Сонымен қатар сайлаушыларды алдағы сайлауда партияны қолдауға шақырды.
«Nur Otan» партиясы Жамбыл облыстық сайлау қорының қаражатынан төленді.
