Бүгін Шоқан Уәлиханов атындағы Жамбыл облыстық әмбебап ғылыми кітапханасының «Коворкинг» орталығында «Үздік жыл психологы» облыстық конкурсы өтті. Конкурс психологтардың кәсіби деңгейін көтеруге, шығармашылық әлеуетін іске асыруға, білім беруде практикалық психологиясының қызметін дамытуға, кәсіби жетістікке жетуге ынталандыруға, бәсекеге қабілеттілігін арттыруға ықпал ететін білім беруқызметінің міндетті құрамдас бөлігі ретінде психологиялық білімді насихаттауға бағытталды.
Жамбыл облысы әкімдігі білім басқармасының әлеуметтік жоба аясында «Жамбыл облысы жастар ұйымдарының Қауымдастығы» заңды тұлғалар бірлестігі ұйымдастырды.
Конкурстың мақсаты — теориялық және практикалық кәсіби біліктілігін көрсете алатын педагог-психологтарды анықтау, қолдау және ынталандыру.
Конкурс үш кезеңнен тұрды. Олар:
— психолог қоржынының толықтығы;
— психологиялық тапсырмаларды шешу;
— психологиялық тренинг элементін көрсету.
Конкурс нәтижесі бойынша ұпайлары теңдей болған үш психолог Сарысу ауданынан Гүлсара Мадуарова, Тараз қаласынан Жаннат Қарамырзаева, Тұрар Рысқұлов ауданынан Сауле Чонтыбаева ІІІ орын (әрқайсысы 50 000 теңге), ІІ орынды Меркі ауданынан келген Әйгерім Назарқұлова (100 000 теңге), І орынды Шу ауданынан Жанерке Сейдехан иеленді.
TURANINFO.KZ
