Бұл айтулы іс-шара «Заң және тәртіп» жобасының аясында ұйымдастырылып, құқықтық сауаттылықты арттыру мен салауатты өмір салтын насихаттауға бағытталды.
Фестиваль барысында жастар арасында футбол, волейбол, баскетбол секілді командалық ойындардан спорттық турнирлер өткізілсе, ұлттық рухты көтеретін асық ату, садақ ату, ләңгі тебу, қол күрес, гір тасын көтеру сынды ұлттық спорт түрлері де назардан тыс қалмады. Сонымен қатар, арнайы құқықтық кеңес беру бұрыштарында заңгерлер, полиция қызметкерлері, прокуратура, Ұлттық банк, Отбасы банкі мен Жұмыспен қамту орталығының өкілдері азаматтарға тегін кеңес беріп, құқықтық сауаттылықты арттыруға өз үлестерін қосты.
Шара аясында тұрғындар арасында тақырыптық сауалнама жүргізіліп, мобилографтар байқауы, әлеуметтік желідегі #ЗаңдыБілӨзіңдіҚорға хэштегімен посттар байқауы, квест ойындары мен тақырыптық жобалар додасы, сондай-ақ тимбилдинг ойындары ұйымдастырылды.
Фестивальге 500-ге жуық жас тартылып, белсенділік танытқан қатысушылар алғыс хаттармен, дипломдармен және бағалы сыйлықтармен марапатталды. Шара жас буынның заңға деген құрметін арттырып, азаматтық белсенділігін оятуда маңызды рөл атқарды.
Есіркепов Абзал Есенұлы
Тараз қаласы әкімдігінің
ішкі саясат бөлімі
«Жастар ресурстық орталығы»
КММ директоры
