Көлік министрі Марат Қарабаев бастаған Қазақстан делегациясы Қытайдың Шыңжаң-Ұйғыр автономиялық ауданында болып, жергілікті технология алпауыттарының жұмысымен танысып, Қазақстанның Қытайдың әлемдік саудасына қатысу мүмкіндіктерін талқылады.
Бұл туралы Көлік министрлігі хабарлайды.
Қазақтар Үрімжі қаласындағы ең қуатты және қызықты нысандарды аралап көрді, соның ішінде халықаралық құрғақ порт, жедел жеткізу орталығы (Джиту экспресс), Қытай-Еуропа теміржол экспресс хабы және Шыңжаң сауда-логистикалық корпорациясының кеңсесі.
Делегация «ҚХР-ЕО» бағыты бойынша мерейтойлық 150-ші «Тяньшань» контейнерлік пойызын жөнелтуге қатысты.
Қытай шенеуніктері «Белдеу, бір жол» бастамасының 10 жылында (2013 жылдан бері) Қытайдан батысқа 85 мыңға жуық контейнерлік пойыз жөнелтілгенін айтты. Оның 80 пайызы Қазақстан арқылы өткен.
