23 жастағы жүргізуші жолда ұйықтап кетіп, жаяу жүргіншілерді қағып, олар қаза тапты, деп мәлімдеді Тараз қалалық полиция бөлімінің бастығы Асылхан Заурбеков брифингте.
Күдікті қазір тергеу изоляторында қамауда отыр.
– Оның депутаттар мен шенеуніктер арасында жақын туыстары жоқ, – деп Заурбеков Orda.kz тілшісінің сұрағына жауап берді.
Еске салсақ, 15 қыркүйекте Таразда көлік жүргізушісі төрт жаяу жүргіншіні қағып кетті, екі адам оқиға орнында көз жұмды. Орта жастағы екі әйел жарақат алды.
ҚР Қылмыстық кодексінің 345-бабы бойынша сотқа дейінгі тергеу басталды. Тараз қаласының 23 жастағы жүргізушісі ұсталды.
Сондай-ақ, Жамбыл облысы ішкі істер департаменті штаб бастығы, полиция подполковнигі Байжасарұлы Алмас жол көлік оқиғаларының бәрі жүргізушілердің кінәсінен болады деп мәлімдеді.
2021 жылы 8 айда 707 жол көлік оқиғасы орын алған. Салдарынан 133 адам көз жұмған. 1603 адам түрлі жарақат алған. Көбіне көлік апаты көлік жылдамдығының асыруынан – 180 факт тіркелген.
Полиция полковнигі жол көлік апатының барлығына жүргізушілер кінәлі дейді.
