Бүгін Оқушылар сарайында Білім беру қызметкерлерінің «Ұстазға мың тағзым!» тақырыбындағы қалалық ұстаздар мерекесі өткізілді.
Аталған іс-шараға Тараз қаласының әкімі Бақытжан Орынбеков, қалалық мәслихат хатшысы Батырбек Кулекеев, Жамбыл облыстық білім саласында сапаны қамтамасыз ету департаментінің басшысы Дәмеш Үскімбаева, «Өрлеу» АҚ филиалы Жамбыл облысы бойынша кәсіби даму институтының директоры Сұлушаш Құрманбекова, Жамбыл облысының білім және ғылым қызметкерлерінің жергілікті кәсіптік одағының төрағасы Ерұлан Мағзымбеков, ардагер-педагогтар, мектеп директорлары мен балабақша меңгерушілері және ұстаздар қатысты.
Іс –шараға мектептен тыс балалар шығармашылығы орталығының тәрбиеленушілері ұстаздарға алғыс айта отырып, өздерінің концерттік шығармашылық өнерлерін көрсетті. Ардагер –педагогтар марапатталды, сонымен қатар, білім саласында ұзақ нәтижелі еңбек етіп жүрген сапалы білім берген 15 мұғалімге министрліктің, қала әкімінің, білім басқармасының Құрмет грамотасы тапсырылды.
Тараз қаласы бойынша 60 мектеп, 45 (мемлекеттік), 86 (жекеменшік) бөбекжай-бақша, 1 кешкі мектеп, 4 қосымша білім беру ұйымы, 2 психологиялық-педагогикалық түзету кабинеті, 12 жекеменшік мектеп, 1 аутизм орталығы бар. Мектептерде-6889 педагог еңбек етсе, бөбекжай-бақша қызметкерлерінің саны-2414.
«Ұстаздық еткен жалықпас, үйретуден балаға» демекші, еңбегі еленіп, жетістікке жетіп жүрген ұстаздарымыз да бар. Атап айтсақ, қала мұғалімдері 3 халықаралық, 13 республикалық, 33 облыстық конкурстарда және 2500 қашықтық байқауларда жүлделі орындарды иеленді. Математиктердің VІІІ халықаралық шығармашылық байқауында №49 мектеп-гимназиясының мұғалімі Мұратбаев Айбек, №45 гимназиясының мұғалімі Кеңесов Бауыржан ІІІ орын, №5 мектеп-гимназиясының мұғалімі Убишов Думан ІІІ орын иегері атанды.
Сонымен қатар, «Ең үздік жыл психологы» байқауының ІІІ орын жүлдегері №1 гимназияның мұғалімі Сахиева Светлана Владимировна.
«Үздік авторлық бағдарлама 2022» байқауының жүлдегерлері: Жамбыл атындағы №5 мектеп-гимназияның мұғалімдері — Ошақбаева Рауан Маратович-ІІ орын, Абаханова Нағима Ниязбековна-ІІІ орын, Нуралиева Айнұр Ерболатовна.
| ҚАЗАҚСТАН РЕСПУБЛИКАСЫНЫҢ ОҚУ — АҒАРТУ МИНИСТРЛІГІНІҢ ҚҰРМЕТ ГРАМОТАСЫ | |||
| 1 | 1 | АБДИРАСИЛОВА ЗАУРЕ САДУАҚАСҚЫЗЫ | №3 мектеп-лицей директоры |
| ЖАМБЫЛ ОБЛЫСЫ ӘКІМІНІҢ АЛҒЫС ХАТЫ | |||
| 2 | 1 | АБДРЕШЕВА ГҮЛЖАХАН ЕСЕНҚЫЗЫ | №36 орта мектеп директоры |
| ЖАМБЫЛ ОБЛЫСЫ ӘКІМДІГІНІҢ БІЛІМ БАСҚАРМАСЫНЫҢ ҚҰРМЕТ ГРАМОТАСЫ | |||
| 3 | 1 | ШВЫРЕВА ЛЮДМИЛА ВЛАДИМИРОВНА | №9 бөбекжай-бақшаның тәрбиешісі |
| 4 | 2 | ЖУМАТАЕВА БАЛХАН СЕРИКХАНОВНА | №30 бөбекжай-бақшаның тәрбиешісі |
| 5 | 3 | БУШУЕВА ДАРЬЯ ВАСИЛЬЕВНА | №40 гимназияның тарих пәнінің мұғалімі |
| 6 | 4 | МАТАЛИЕВА АИДА ЕРТАЕВНА | №45 гимназия директорының орынбасары |
| 7 | 5 | АУЛЬБЕКОВА ЛЯЗЗАТ КЕНЕСОВНА | №5 мектеп-гимназияның орыс тілі пәнінің мұғалімі |
| 8 | 6 | АБДРАЛИЕВА АЛИЯ ЖУМАТАЕВНА | №14 орта мектептің математика пәнінің мұғалімі |
| 9 | 7 | МОСКАЛЕНКО ТАМАРА ВЛАДИМИРОВНА | № 23 орта мектебінің дене шынықтыру пәнінің мұғалімі |
| 10 | 8 | САПАХОВА НАГИМА ЖУМАТАЙҚЫЗЫ | №29 орта мектептің тарих пәнінің мұғалімі |
| 11 | 9 | ЩЕЛОКОВА ТАТЬЯНА АЛЕКСАНДРОВНА | №2 орта мектеп директорының тәрбие ісі жөніндегі орынбасары |
| ТАРАЗ ҚАЛАСЫ ӘКІМІНІҢ ҚҰРМЕТ ГРАМОТАСЫ | |||
| 12 | 1 | БАБАЕВА ЮЛДУЗХОН МУХАМЕДОВНА | №8 бөбекжай-бақшаның тәрбиешісі |
| 13 | 2 | МЫРЗАХМЕТОВА МАРЖАН РАХИМЖАНОВНА | №8 гимназияның қазақ тілі пәнінің мұғалімі |
| 14 | 3 | НИЯЗОВА ГУЛЗАТ ЖАРЫЛКАСЫМОВНА | №50 орта мектептің қазақ тілі пәнінің мұғалімі |
| 15 | 4 | ТУЛЕПБЕРГЕНОВА АЛИЯ АБИТАЕВНА | №31 орта мектептің ағылшын тілі пәнінің мұғалімі |
