Бүгін қалалық көп бейінді ауруханасында облыстық денсаулық сақтау басқармасының басшысы Қалиев Әсет Әскерұлының қатысуымен емдеу мекемесіне жаңадан алынған KARL STORZ фирмасының жаңа лапароскопиялық құрылғысымен алғаш рет 62 жастағы науқасқа өт қабының холецистэктомиясы отасы жасалды7
Аталмыш аппарат мекемеге енді ғана алынғандықтан, ол алғаш рет операция жасауға қолданылды. Өт қабының ауруы асқынып, бір тәулік бойы жанын шыдатпай, ұстама беріп, шыдатпаған соң қалалық ауруханаға жедел медициналық жәрдеммен жеткізілген пациент отадан соң өзін жақсы сезінетіндігін айтып, медицина ғылымдарының докторы, профессор Ә. Қалиевке алғысын жаудырды.
KARL STORZ лапароскопиялық тіреуіш көпфункционалды лапороскопиялық аппарат болып табылады, оның көмегімен құрсақ қуысы ағзаларының операциялары, гинекологиялық операциялар, артроскопиялық операциялар және нейрохирургиялық операциялар жасалады.
