Министр жеке құрамға жаңа ТЖ вице-министрі Серік Төленбергеновті таныстырды.
ҚР Үкіметінің қаулысымен Төленбергенов Серік Төлеуғалиұлы Төтенше жағдайлар вице-министрі болып тағайындалды.
Ол 1974 жылы Семей облысында дүниеге келген. Кәсіптік-техникалық училищені, Р.Байсейітова атындағы Семей қаржы-экономикалық техникумын, Қазақстан-Америка университетін, С. Аманжолов атындағы Шығыс Қазақстан мемлекеттік университетін бітірген.
Еңбек жолын 1995 жылы бастаған.
1997-1998 жылдары ҚР Қаржыминінің Семей облысы және Өскемен қаласы бойынша басқармасының бақылаушы-ревизоры болып жұмыс істеді.
2000 жылдан 2009 жылға дейін – жеке құрылымдарда жұмыс істеді.
2009-2010 жылдары — Шығыс Қазақстан облысы әкімдігінің бас маманы, бөлім бастығы.
2010-2011 жылдары — Риддер қаласы әкімінің орынбасары.
2011-2012 жылдары — Шығыс Қазақстан облысы әкімдігінің жолаушылар көлігі және автожолдар басқармасының басшысы.
2012-2013 жылдары Шығыс Қазақстан облысы Ұлан ауданының әкімі болған.
2013-2014 жылдары — Шығыс Қазақстан облысы әкімдігінің құрылыс, сәулет және қала құрылысы басқармасының басшысы.
2016-2019 жылдары — басқарма басшысы, Ақтөбе облысы әкімінің орынбасары.
2019-2020 жылдары — «Бәйтерек» ҰБХ Басқарма төрағасының кеңесшісі.
2021-2022 жылдары жеке құрылымда жұмыс істеді.
2022-2023 жылдары – коммуналдық кәсіпорынның директоры, Семей қаласы мәслихатының депутаты.
2023 жылғы қазаннан 2024 жылғы наурызға дейін – Абай облысы әкімдігінің энергетика және ТКШ басқармасының басшысы.
Үкіметтің баспасөз қызметі
