Жамбыл облысында «ШЕБЕР ШАҢЫРАҚ» мүгедектер қоғамдық бірлестігі жұмыс жасайды.
қоғамдық бірлестіктің басшысы Бексұлтанова Анар Сағынтайқызы.
Бірлестіктің мақсаты дәстүрлі қазақ қоғамындағы әйел мәртебесін көтеру.
«ШЕБЕР ШАҢЫРАҚ» ұйымы облыстағы осал топтағы аналарға қолдау көрсетіп, еңбекке баулып отандық өндірістің дамуына үлесін қосуына бағыт береді. Жасаған өз өнімдерін нарыққа шығарады. Ұлттық дәстүрлі бұйымдарды заманауи жаңғырту және күнделікті қолданысқа енгізеді. Мүмкіндігі шектеулі жандарға кедергісіз орта ұйымдастыра отырып, олардың кәсіп ашуына жәрдемдеседі. Орта және кіші бизнес иелеріне өз бизнесін дамытуға жол көрсетіп, тәжірибемен бөліседі. Нәзік жандыларға бағыт-бағдар беріп, әлеуметтік статусын көтеруге көмектеседі. Қайырымдылық іс-шараларға белсене қатысады. Ұйым «Президентіміздің назарына ұсынылған көрмені ұйымдастыру» мәртебесіне ие болды. «Ұмыт болған оюлар» фестиваліне атсалысып, қолөнер шеберлерінің керемет туындыларын жарыққа шығарылды. Екі жыл қатарынан өткен «Тараз қолөнершілер қаласы» халықаралық көрмеге жүзге жуық аналарымыздың қатысуына себепші болды. Қазіргі таңда мүмкіндігі шектеулі аналарға тегін тігін курсын оқытуда. Дәстүрлі қазақ қоғамындағы әйел мәртебесін көтеруде.
