Министр алғашқы кезекте Қазақ Ұлттық су шаруашылығы және ирригация университетіне барып ұжыммен кездесіп, мәселелеріне жауап берді.
«Turaninfo.kz» ақпарат агенттігі министрден эксклюзивті сұхбат алды.
- Тараз қаласына қош келдіңіз! Су шаруашылығы және ирригация университетіндегі мұғалімдердің жан айқайы туралы қандай пікір айтасыз ?
Біріншіден ия, біраз мәселелер жиналып қалған оны мойындаймыз, бүгін біз арнайы министрлік командасымен келдік. Өзім, менің орынбасарым осы академиялық сұрақтар бойынша, заң департаментінің басшысы, кадр департаментінің басшысы, екі кеңесшім бірнеше мәселелерді талқыладық. 5 негізгі мәселе. 1-кадрлық саясатқа қатысты шын мәнінде де біздің оқытушыларымыз Тараз өңірлік университетінен жаңа ұлттық университетке көшкенде олардың жұмыс өтілдері демалыс, айлықтары бәрі қысқарылып қалды. Сондықтан оның шешімін табамыз, біріншіден профсоюз құрылды, осыдан екі күн бұрын, кәсіподақтың басшысы тағайындалды, енді біз ұжымдық келісімшартты пысықтауды бастадық. Сол ұжымдық келісімшарттың ішінде әр оқытушының, әр профессордың құқықтары қорғалынатын болады. Жалақысына қатысты, премиясына қатысты, демалысына қатысты, Жамбыл өңіріндегі өңірлік кәсіподақтың өкілі бар сол кісіде бүгін қатысты, 4 сағаттай отырдық сондықтан ұжымдық келісімшарттың аясында сол мәселелерді шешетін боламыз.
2-қаржыландыру инфрақұрылым мәселелері. Қаржыландыруға келетін болсақ біріншіден облыс әкімімен келістік республикалық өңірлік бюджет арасында қарым-қатынастарды айқындадық. Қазір өңірлік бюджеттен 1,6 млрд теңге бөлінетін болады. Осы жылдың соңына дейін, келесі жылдың басында бүкіл университеттің алаңы, безендірілуі, ремонт жұмыстары, саябағы өңірлік бюджетпен қамтамасыз етілетін болады. Қазір жұмыстар басталып кетті, мердігерлер айқындалды. Оның үстіне біз 1,5 млрд теңге қосымша үлкен ғылыми бағдарлама арқылы осы 1 айдың ішінде университетке беретін боламыз. Ол қазіргі таңда ұлттық университеттің ғалымдарына үлкен серпіліс береді, бірнеше тоқтап қалған ғылыми жоба қамтуға қосымша қаржыландыруды іске қосуға және жабдықтауға.
Оның үстіне біз қазіргі таңда шет елдік үлкен Француз компаниясымен келістік, осы маусымның 20-сынан кейін келеді, өкілдері зертхананы демеуші ретінде тегін береді университетімізге, сондықтан жаңа оқу жылында осы күзде үлкен зертхананы іске қосатын боламыз. Бұл гидрогеология, құрылыс үлкен зертхана кәдімгі ең соңғы жабдықтармен жабдықталған, оның үстіне қазіргі таңда біз мемлекеттік тапсырыс аясында гранттарды жинақтап су шаруашылығы мамандықтар бойынша 1 мың грантты тікелей арнайы квотамен университетке беретін боламыз. Білесіздер Ұлттық университет мәртебесі алғандықтан оның коэффициенті жоғары болу керек. Басқа мемлекеттік, өңірлік университеттер 800-900 мың шамасында болса, ұлттық университеттерде гранттың құны 1 200 000 теңге. Ол қазіргі таңда мынау қабылдау комиссия үлкен мән береміз, өзімнің Руслан Емелбаев көмекшім келіп осы жақта айналысады, келіп көмектеседі. Соңғы екі нәрсе көсектесетін ол диссертациялық кеңестің құрылуы, неге десеңіздер, қазір диссертациялық кеңес ТарГУ-да қалып қалды. Жаңа университетке өзінің кадрлар даярлайтын, докторантура қорғалатын бір алаң керек, оны осы 3 айдың ішінде пысықтап береміз. Оқу-әдістемелік бірлестік, яғни, су шаруашылығына қатысты жаңа мамандықтар , олардың құрылымы, мазмұны енді осы ұлттық университеттің аясында қаралатын болады. Бұл да бір үлкен ұлттық университетке кадр тартуға, мықты-мықты ғалымдарды тартуға бір үлкен серпіліс береді. Енді кадрлық мәселеге тоқталатын болсақ, келесі аптада біз ең мықты тәжірбиелі бірінші орынбасар проректорлыққа кандидатты пысықтап жіберетін боламыз. Бүкіл ішкі мәселелерді жинақтауға мына академиялық мәселелер сағат, пед-нагрузка, бәрін жаңа оқу жылына дейін реттейміз. Жаңадан бірінші проректор келеді. Қазіргі бірінші проректор қазір кетті жұмыстан, мәселелерді қолға ала алмады. Академиялық бірінші проректор министрдің бұйрығымен тағайындалады, ол бүгін тоқтатылды. Қазір орталықтан ең мықты тәжірибелі адамды жіберетін боламыз. Оның үстіне қазіргі таңда Қойбақов тәрізді мықты осы саладағы академиктер, олармен жеке мен 12 адаммен кездестім кабинетте, олардың мәселелерін де біз қазір қолға алатын боламыз, ондай мықты кадрлардан қол үзбеуіміз керек, олар зейнеткерлік жасқа жетсе де әлі әлеуеттері бар, беретін нәрселері мол университетімізге, сондықтан сол кісімен, тағы да 12 адамның жеке жеке мәселелерін қарадым. 1-2 айдың ішінде мәселелері шешілетін болады.
- Кәмшат Тусупованың жағдайы қалай болады?
Қазіргі таңда бұл тағайындалған ректор, әлі 1 жыл жұмыс істеген жоқ, сондықтан оған мүмкіндік беруіміз керек, ия, мәселелер жинақталды. Ол мәселелердің барлығын шешеміз біз, мен тікелей өзімнің бақылауыма алдым. Бүгін ұжыммен кездестік, бүкіл 160 адам келді, оларға осы сізге айтқан мәлімдемені бердім, міндеттемені алдым өзіме. Тағы да бақылайық жағдайды көрейік. Түзетсек, аяққа тұрғызсақ қалады. Болмаса ақылдасамыз, ұжымдық шешім болады. Соңғы нәрсе жинақталған инфрақұрылымдық мәселе, жатақхана мәселелері шешіледі. Өңірлік бюджеттен бөлінген 1,6 миллиардтың ішінде ішкі ремонты бар, жылу мерзіміне дайындығы, безендіруі мен саябақ мәселелері бар. Республикалқ бюджет ол ұзақ мәселе, ол 2-3 жылға созылып кетеді, мемлекттік инвестициясы бар, жобасы бар, ал өңірлік бюджеттен ол тезірек шешіледі, облыс әкіміне де рахметімізді айтамыз, бізді қолдап республикалық , өңірлік бюджеттің арасындағы бір механизм арқылы көсектесетін болады. Сол арқылы жатақхана да басқа да инфрақұрылымдық мәселелерді қолға алатын боламыз.
Сұхбаттасқан Исламбек Дастан
