Өңірлік коммуникациялар қызметінің ақпарат алаңында өткен баспасөз жиынында басқарма басшысы бірқатар жобалардың жүзеге асырылу барысына тоқталды.
2023 жылы тұрғын үй кезегіндегі азаматтарды баспанамен қамтамасыз ету мақсатында «Қуатты өңірлер-ел дамуының драйвері» ұлттық жоба шеңберінде құны 13,2 млрд.теңгеге 3 929 пәтерлі 74тұрғын үйдің құрылысы жүргізілуде.
Жыл қорытындысымен 2 564 пәтерлі 45 тұрғын үйдің құрылысын аяқтап, пайдалануға беру жоспарлануда.
Сонымен қатар, халықтын әлеуметтік осал және көпбалалы отбасыларды баспанамен қамту мақсатында ағымдағы жылға 797 пәтерді сатып алуғареспубликалық бюджеттен 7,6 млрд.теңге қаржы бөлінді.
Бұдан бөлек, жеке меншік инвестиция есебінен 435 пәтерлі 14 көп қабатты тұрғын үйдің құрылысын жыл соңына дейін аяқтап, мемлекеттік бюджет қаражаты және жеке инвестиция есебінен жалпы698,7 мың шаршы метр тұрғын үй пайдалануға беру міндетте тұр,-дейді Данияр Темірбекұлы.
2023 жылдың 1 жарты жылдығында бюджет қаражаты есебінен 280 пәтерлі 4 кредиттік тұрғын үйдің және жеке меншік инвестиция есебінен 324 пәтерлі 7 үйдің құрылысы аяқталды.
Жалпы бюджет қаражаты және жеке инвестиция есебінен 304,1 мың шаршы метр тұрғын үйлер пайдалануға беріліп, былтырғы тиісті кезеңмен салыстырғанда 101,8%-ға асыра орындалды.
Ағымдағы жылы бюджет қаражаты есебінен 9,7 млрд.тг. 77 инженерлік-коммуникациялықинфрақұрылым жобаларының құрылысы жүргізіліп, жеке тұрғын үй құрылысын салу үшін 2 жаңа алқапта Жамбыл ауданы, Аса ауылында 811 жер телімі жәнеСарысу ауданы Құрылысшы алқабында 58 жер телімі таратуға дайындалады.
Өздеріңізге белгілі облыс аумағында тәрбиелік мәні бар «Асарлатып үй салу» жобасы басталған болатын.
«Асарлатып үй салу» жобасы басталғалы 338 отбасы баспанамен қамтылды.
Басшының айтуынша ағымдағы жылы 105 отбасыны баспанамен қамту жоспарлануда. Бүгінгі күнге, 11 үй тапсырылған. Қалған 94 үйдің құрылысын жоспарға сәйкес жыл соңына дейін тапсыру жоспарлануда.
